Прэм'ер Славаччыны адпрацаваў начную змену на заводзе

У знак салідарнасці з працоўнымі.

Прэм'ер-міністр Славаччыны Роберт Фіца адпрацаваў начную змену з 30 красавіка на 1 траўня на заводзе ZKW Slovakia у знак салідарнасці з працоўнымі, паведамляе Štandard. TASR зазначае, што адразу пасля канца змены ён правёў там прэс-канферэнцыю.

«Здымаю капялюш перад усімі супрацоўнікамі», – сказаў Фіца. Ён падкрэсліў, што трэба абмеркаваць з працадаўцамі долю начных змен, якая з'яўляецца самай высокай сярод іншых краін Еўразвяза, а таксама «бонусы» за начную працу.

Фіца дадаў, што ўрад мае намер узняць мінімальны заробак да €1 тысячы да 2027 года. Да мінімальнага заробку прыкладаюцца даплаты, у тым ліку за працу ў начны час, растлумачыў ён.

ZKW Slovakia - завод у вытворчасці камплектуючых для аўтамабіляў, сістэм асвятлення і электронікі. На ім працуе прыкладна 3 тысячы чалавек. Прадпрыемства размешчанае ў сяле Крушоўцах, на захадзе краіны. Як адзначае Standard, Фіца працаваў над дэталямі для фар.