Еўразвяз спрасціў візавы рэжым для грамадзян Малдовы
- 11.10.2007, 11:59
10 кастрычніка ў Брусэлі было падпісанае пагадненне паміж Малдовай і краінамі ЕЗ аб спрашчэнні візавага рэжыму – паведамляе ІА "Навіны-Малдова" са спасылкай на Міністэрства замежных спраў Малдовы.
Дакумент падпісалі кіраўнік МЗС рэспублікі Андрэй Стратан і дзяржсакратар Партугаліі па еўрапейскіх справах Мануэль Лоба Антунес. Новыя правілы ўступяць у сілу да 1 студзеня 2008 года.
Пагадненне гарантуе малдаўскім грамадзянам льготы пры атрыманні еўрапейскіх віз: іх кошт будзе паменшаны з 60 да 35 еўра. Шматлікія катэгорыі грамадзян, у тым ліку студэнты, дзеячы культуры, спартсмены і пенсіянеры, – змогуць атрымаць візу бясплатна.
