Генпракурор: Снягір знаходзіцца ў СІЗА
7- 23.12.2008, 11:13
Былы пракурор Менскай вобласці Міхаіл Снягір арыштаваны і ўтрымоўваецца ў СІЗА.
Аб гэтым заявіў журналістам генеральны пракурор Беларусі Рыгор Васілевіч, каментуючы інфармацыю, распаўсюджаную ў шэрагу СМІ, аб тым, што М.Снягір знаходзіцца ў лякарні, піша «Інтэрфакс».
«Міхаіл Снягір знаходзіцца ў СІЗА», - сказаў Рыгор Васілевіч.
Пры гэтым ён адзначыў, што ў цяперашні час праводзяцца следчыя дзеянні ў межах крымінальнай справы ў адносінах М.Снягіра, ідзе доказ шэрагу эпізодаў па дадзенай справе.
«На вялікі жаль, падобныя факты (карупцыйныя злачынствы – «ІФ») фіксуюцца і ў іншых праваахоўных органах», - дадаў генпракурор. Пры гэтым ён нагадаў, што на наступны дзень пасля нарады Аляксандра Лукашэнкі пры атрыманні хабару быў затрыманы адзін з супрацоўнікаў праваахоўных органаў.
Нагадаем, 12 снежня былому пракурору Менскай вобласці Міхаілу Снягіру было прад'яўленае абвінавачванне ў здзяйсненні злачынства, прадугледжанага ч. 3 арт. 424 Крымінальнага кодэкса (злоўжыванне ўладай або службовымі паўнамоцтвамі). У адносінах яго абраная мера стрымання ў выглядзе заключэння пад варту.
