Блок НАТА занепакоены беларуска-расейскімі ваеннымі манеўрамі

Савет НАТА на ўзроўні амбасадараў 28-мі краін-чальцоў альянса на паседжанні ў Брусэлі выказаў занепакоенасць маштабамі вучэнняў, якія прайшлі на тэрыторыі Беларусі сёлета ў верасні.

Пра гэта заявіў у сераду афіцыйны прадстаўнік Паўночна-Атлантычнага альянса Джэймс Апатурай.

Паводле яго словаў, НАТА выказвае занепакоенасць у звязку з нядаўна праведзенымі Расеяй і Беларуссю сумеснымі ваеннымі вучэннямі «Захад-2009», «халоднай вайны», а таксама тым, што Расея не запрасіла на манеўры назіральнікаў, што НАТА разглядае як парушэнне «Венскіх абавязкаў».

Акрамя гэтага, Апатурай паведаміў, што саюзнікі па НАТА выказалі таксама занепакоенасць адносна таго, што сцэнар расейска-беларускіх адносінаў прадугледжваў атаку на Расею з боку Захада.

НАТА працягне абмеркаванне гэтых вучэнняў і іх магчымае ўздзеянне на адносіны НАТА-Расея, якія знаходзяцца на стадыі паляпшэння, паведаміў Апатурай.

Адказваючы на пытанне РИА Новости, ён не выключыў, што альянс можа запатрабаваць дадатковыя тлумачэнні з нагоды вучэнняў ад расейскага бока.

Сумесныя расейска-беларускія вучэнні «Захад-2009» прайшлі 18-29 верасня. У іх удзельнічалі каля 12,5 тысяч ваенных абедзвюх краін. Ад Расеі ў вучэннях узялі ўдзел каля шасці тысяч чалавек, ад Беларусі – 6,5 тысяч ваеннаслужачых. Было задзейнічана 40 самалётаў і 200 адзінак баявой тэхнікі.

Міністр замежных спраў Радаслаў Сікорскі заявіў 12 лістапада, што хоча, каб Паўночнаатлантычны альянс звярнуў увагу на вераснёўскія ваенныя вучэнні Беларусі і Расеі побач з польскай мяжой.

Сікорскі таксама паведаміў, што напісаў пра гэта ў лісце генеральнаму сакратару НАТА Андэрсу Фог Расмусэну.

Як ужо паведамляў сайт charter97.org, 1 лістапада брытанскі «Telegraph» са спасылкай на польскі часопіс «Wprost» напісаў, што падчас нядаўніх сумесных вучэнняў расейскіх і беларускіх вайскоўцаў «Захад-2009» былі адпрацаваныя ўдары па тэрыторыі Польшчы і высаджванне дэсанта на ўзбярэжжа гэтай краіны. Пры гэтым расейскія Ваенна-паветраныя сілы падчас вучэнняў праводзілі трэніроўку па выкарыстанні ядзернай зброі.

У канцы кастрычніка ваенныя вучэнні «Захад-2009» раскрытыкаваў міністр замежных спраў Эстоніі Урмас Паэт.

«Ваенныя вучэнні ў меж краін Балтыі сведчаць пра тое, што Расея па-ранейшаму выкарыстоўвае істотныя сродкі для барацьбы з НАТА»,- заявіў кіраўнік МЗС Эстоніі на Рыжскай канферэнцыі.

«Праведзеныя Расеяй вучэнні ў меж краін Балтыі былі найбуйнейшымі за дзесяць гадоў, а іх мэтай было «адрэзаць тры краіны Балтыі ад НАТА»,- сказаў кіраўнік эстонскага МЗС.

Таксама пра тое, што ў сцэнар расейска-беларускіх вучэнняў «Захад-2009» уваходзіла ўварванне ў краіны Балтыі ў рамках вызвалення «акружанага Калінінграда» казаў міністр абароны Латвіі Імантс Ліегіс.