У Менску сталі рабаваць «абменнікі» пры гіпермаркетах
44- 23.02.2009, 10:49
У Менску здзейснены разбойны напад на пункт абмену валют у гіпермаркеце «Прастор».
Падобна, эканамічны крызіс пачаў штурхаць беларусаў на «буйныя» злачынствы. Сталічная міліцыя вядзе пошук зламысніка, які абрабаваў пункт абмену валют у гіпермаркеце «Прастор» у Менску.
«Невядомы ў камуфляжы летняй ваеннай формы пад падставай інкасацыі ужыў электрашокер і гвалт у адносінах касіра абменнага пункта ў гіпермаркеце «Прастор» у Менску і завалодаў буйной сумай грошай», паведамілі «Інтэрфаксу» у ГУУС.
Па інфармацыі ГУУС, рабаўнік завалодаў 40 тыс. даляраў, 8 тыс. еўра, 69 тыс. рас. рублёў, Br80 млн.
Па факце рабавання ўзбуджаная крымінальная справа па ч. 3 арт. 2077 «Разбой» Крымінальнага кодэкса Беларусі.
