Вацлаў Гавал: «Дыктатура ў Беларусі скончыцца і краіна ўвойдзе ў НАТА»
15- 12.03.2009, 14:49
НАТА у далейшым павінна ўключыць Беларусь і Украіну ў склад сваіх сяброў, лічыць экс-прэзідэнт Чэхіі Вацлаў Гавал.
НАТА у далейшым павінна ўключыць Беларусь і Украіну ў склад сваіх сяброў, лічыць экс-прэзідэнт Чэхіі Вацлаў Гавал. Як паведамляе чэшскае інфармагенцтва СТК, пра гэта вядомы палітык заявіў у інтэрв'ю Чэшскаму радыё (CRo).
12 сакавіка 1999 года ў НАТА ўступілі Вугоршчына, Польшча і Чэхія. Па словах В.Гавала, працэс уступлення быў доўгім, паколькі альянс не быў гатовы ўключыць краіны, якія былі сябрамі Варшаўскай дамовы.
«Альянс вызначаецца як агульнымі каштоўнасцямі, так і геаграфічна, ён не можа ўвесь час пашырацца», – лічыць чэшскі экс-прэзідэнт.
На яго думку, НАТА павінна сканчацца на беларуска-расейскай і ўкраінска-расейскай мяжы. Ён выказаў надзею, што «дыктатура ў Беларусі і блытаніна ва Украіне скончацца і абедзве краіны ўвойдуць у НАТА».
Вацлаў Гавал лічыць неабходным стварэнне новай сістэмы бяспекі ў Каўказскім рэгіёне, у прыватнасці ў Азербайджане, Арменіі, Грузіі, якая б гарантавала незалежнасць кожнай з краінаў.
