Даляр на біржы падаражэў на 16 рублёў

Па выніках таргоў замежнымі валютамі 4 чэрвеня на Беларускай валютна-фондавай біржы (БВФБ) курс даляра ЗША зноў вырас.

Такім чынам, курс даляра склаў 2.791 рубель, паведамляе БелаПАН.

Паводле дадзеных БВФБ, у таргах па даляры ЗША прынялі ўдзел 25 банкаў. Аб'ём пагадненняў склаў 76 млн. 124 тыс. (попыт — 76 млн. 134 тыс., прапанова — 62 млн. 872 тыс.).

У таргах па еўра прынялі ўдзел 25 банкаў. Аб'ём пагадненняў склаў 28 млн. 661 тыс. (попыт — 28 млн. 666 тыс., прапанова — 22 млн. 20 тыс.), а курс вырас на 8 рублёў і склаў 3.968 рублёў за адзін еўра.