Першыя арышты за збор подпісаў супраць указа аб інтэрнэце
10- 3.06.2010, 8:39
2 чэрвеня ў Гомелі былі затрыманыя актывісты руху «Маладая Беларусь» Іван Зайцаў, Зміцер Скачкоў і Кірыл Кавалёў.
Яны збіралі подпісы за адмену ўказа прэзідэнта № 60 «Аб мерах па ўдасканаленні выкарыстання нацыянальнага сегменту сеткі інтэрнэт». Зміцер Скачкоў фатаграфаваў працэс збору подпісаў.
Каля 19.30 да іх пад'ехалі міліцыянты, канфіскавалі лісты з сабранымі подпісамі, аднялі фотакамеру, выдалілі ўсе фатаграфіі, уключаючы прыватныя, і адвезлі актывістаў у райаддзел на вуліцы Кірава, 122, у Гомелі, піша БелаПАН са спасылкай на прэс-службу руху.
Праз паўтары гадзіны ўсіх актывістаў адпусцілі без складання пратаколаў.
