Бясплатны праезд для школьнікаў адменены

Бясплатна можна зараз ездзіць толькі ў школу і дамоў.

Навучэнцы агульнаадукацыйных установаў Беларусі будуць ездзіць бясплатна ад месца жыхарства да месца вучобы і назад у перыяд з 1 верасня па 30 чэрвеня. Гэта прадугледжана пастановай Савета Міністраў № 202 ад 16 лютага 2011 года «Аб некаторых пытаннях праезду навучэнцаў».

«Вучні агульнаадукацыйных установаў і ўстановаў, якія забяспечваюць атрыманне спецыяльнай адукацыі, маюць права на бясплатны праезд на аўтамабільным транспарце агульнага карыстання рэгулярнага гарадскога паведамлення, гарадскім электрычным транспарце і ў метрапалітэне ад месца жыхарства (месцы знаходжання) да месца вучобы і назад у перыяд з 1 верасня па 30 чэрвеня», - адзначана ў дакуменце.

Права на бясплатны праезд будзе прадастаўленае на падставе даведкі аб тым, што «грамадзянін з'яўляецца навучэнцам або выхаванцам ўстановы адукацыі з указаннем месца жыхарства (месцы знаходжання) і месца вучобы», паведамляе БелТА.

У дакуменце таксама прадугледжана, што кіраўнікі ПТВ, ССНУ і ВНУ могуць аказваць маючым патрэбу навучэнцам і студэнтам дзённай формы атрымання адукацыі матэрыяльную дапамогу для аплаты праезду на аўтамабільным транспарце агульнага карыстання рэгулярнага гарадскога паведамлення, гарадскім электрычным транспарце і ў метрапалітэне. Матэрыяльная дапамога можа быць аказаная па заяве навучэнца або студэнта на падставе хадайніцтва сталай дзеючай камісіі па аказанні матэрыяльнай дапамогі на праезд, створанай ва ўстанове адукацыі ва ўстаноўленым парадку.