З Беларусі дэпартуюць палякаў і немцаў

Грамадзяне Германіі і Польшчы Юліана Грынец, Андрэас Шэлхас, Яніна Ролік, Гвіда Хансен, Ян Хендрык Кроп, Катрын Хайнрых і Дарота Кубашэўска па рашэнні суда ў сераду будуць дэпартаваныя з Беларусі.

Як паведаміў агенцтву «Інтэрфакс-Захад» прэс-аташэ амбасады Польшчы ў Беларусі Павел Марчук, Д. Кубашэўска прысуджаная да штрафу. Акрамя таго, у судовым вырашэнні утрымліваецца патрабаванне пакінуць краіну. «Мы задаволеныя рашэннем суда, бо заўсёды асцерагаемся арышту. Умовы тут даволі жорсткія», - сказаў польскі дыпламат.

У амбасадзе ФРГ у Менску паведамілі, што грамадзяне Германіі прысуджаныя да штрафаў. «Акрамя таго, у вуснай форме нам павядомлена, што яны сёння ўвечары будуць дэпартаваныя», - адзначылі ў дыпмісіі.

Па інфармацыі праваабаронцаў, штрафы складаюць Br700 тыс. рублёў (больш за 200 даляраў па афіцыйным курсе - ІФ).

Грамадзяне Германіі і Польшчы разам з прадстаўнікамі «зялёных» і анархісцкіх рухаў 25 красавіка прымалі ўдзел у пікеце супраць будаўніцтва АЭС у Беларусі.