Блогера абвінавачваюць у здзеках над дзяржсімвалаў?

Вядомага блогера Яўгена Ліпковіча 14 ліпеня выклікаюць у Следчае ўпраўленне пракуратуры Менска ў якасці сведкі па артыкуле 370 КК.

«Толькі што тэлефанавалі са следчага ўпраўлення, нехта следчы Дышчанка. Выклікаюць на допыт у якасці сведкі па 370-м артыкуле», паведаміў блогер charter97.org.

Нагадаем, артыкул 370 «Здзек над дзяржаўнымі сімваламі» КК РБ караецца грамадскімі працамі, альбо штрафам, альбо папраўчымі работамі на тэрмін да двух гадоў, альбо арыштам на тэрмін да трох месяцаў, ці абмежаваннем волі на тэрмін да аднаго года.

«Магу толькі выказаць здагадку, што гэта звязана з Чаргінцом. Чаргінец у адным з інтэрв'ю сказаў, што супраць мяне пракуратурай распачатая нейкая крымінальная справа. Мой адвакат можа прыйсці толькі ў пятніцу, я не выключаю, што заўтра будуць прымусова дастаўляць на допыт», сказаў Яўген.