Затрыманыя ўчора маладафронтаўцы зніклі

Праваабаронцы і сябры да гэтага часу не могуць адшукаць актывістаў «Маладога Фронту», затрыманых учора ў сябе ў кватэры.

14 мая ў кватэру, якую здымаюць актывісты «Маладога фронту», уварваліся супрацоўнікі міліцыі. Мікалая Дземідзенку, Зміцера Крамянецкага і Рамана Васільева збілі, а потым павезлі ў невядомым напрмку, піша ПЦ «Вясна».

Па непацверджанай інфармацыі, актывістаў даставілі ў РУУС Фрунзенскага раёна.

Дзяжурныя сталічных аддзяленняў міліцыі не пацвярджаюць знаходжанне актывістаў у РУУС сталіцы. Няма іх і ў Цэнтры ізаляцыі правапарушальнікаў на Акрэсціна.

Актывісты «Маладога фронту» звязваюць напад на кватэру з вывешаным ўчора на вуліцы Няміга ў Менску бел-чырвона-белым сцягам.