З бацькоў расстралянага Канавалава знялі ахову

Бацькі Дзмітрыя Канавалава, прызнанага вінаватым у тэрарызме і расстралянага ў сярэдзіне сакавіка гэтага года, пачалі выходзіць на вуліцу без аховы.

Пра гэта БелаПАН распавяла Любоў Кавалёва, маці пакаранага разам з Канавалавым за саўдзел у тэрарызме Уладзіслава Кавалёва.

Паводле яе, у апошні час яна ўжо двойчы сустракала бацькоў Дзмітрыя, якіх упершыню больш чым за год ніхто не суправаджаў.

Ці насамрэч знятая ахова з сям'і Канавалавых ці яна прыняла нейкія іншыя формы, дакладна не вядома.