Праціўніку ўшчыльнення Уручча далі 5 сутак і 20 базавых штрафу

Такі прысуд вынесены Леаніду Мажальскаму - намесніку старшыні жыллёва-будаўнічага кааператыва і актыўнаму члену ініцыятыўнай групы супраць ушчыльнення Уручча.

Абвінавачванні датычыліся падзей 4 і 5 ліпеня ў скверы, дзе пачалі будаваць дом для спецназа, перадае «Радыё Свабода».

З залы суда Мажальскага павезлі на Акрэсціна.

Як раней паведамляў сайт charter97.org, Леанід Мажальскі быў затрыманы 6 ліпеня за ўдзел у пратэстах супраць ушчыльнення ва Уруччы. Мужчына спрабаваў перашкодзіць будаўнікам усталяваць будпляцоўку

Тады на Мажальскага склалі тры адміністрацыйных пратакола: за арганізацыю несанкцыянаванага сходу, перашкоду будаўнікам і супраціўленне міліцыі.