Барыс Нямцоў падае ў суд на ўлады Украіны

Адзін з лідараў расейскай апазіцыі Барыс Нямцоў будзе судзіцца з украінскімі ўладамі.

Прычына пазову - у забароне на ўезд на тэрыторыю краіны, пра якую стала вядома ўчора ўвечары. Пра гэта Барыс Нямцоў напісаў у сваім акаўнце ў сацыяльнай сетцы «Фэйсбук».

Палітык лічыць, што на рашэнне ўладаў, якія забаранілі яму ўезд на Украіну, мог паўплываць удзел у акцыі каля амбасады ў Маскве, падтрымка еўраінтэграцыі Украіны, а таксама публікацыі з крытыкай Віктара Януковіча.

Нагадаем, 2 снежня, у сталіцы Расеі каля будынку амбасады Украіны паліцыя затрымала 11 удзельнікаў акцыі ў падтрымку Еўрамайдана.

Раней Барысу Нямцову забаранялі ўезд у Беларусь.