У Рагачоўскім раёне на рабочага абрынуўся дах цэха

У дрэваапрацоўчым цэху СВК «Чырвоная Армія» ў Рагачоўскім раёне адбылося абвальванне даху.

Пра гэта 30 сакавіка ў 11-39 паведамілі ў ЦАУ Рагачоўскага РАНС, перадае прэс-служба МНС.

Будынак - 1982 года пабудовы, таму ў студзені 2013 года старшынёй СВК «Чырвоная Армія» па працоўнай дамове была найманая брыгада будаўнікоў, якая складаецца з прыватных асоб, якія праводзілі рамонтныя работы па ўмацаванні апорнай здольнасці будынка дрэваапрацоўчага цэха. У ходзе работ будаўнікамі былі зробленыя часовыя падпоркі для ўтрымання дахавай сістэмы, далей ажыццяўляліся работы па мураванні новай апорнай бакавой сцяны даўжынёй 55 метраў і вышынёй 3 метра (старая апорная сцяна была дэмантаваная).

Па прыбыцці да месца выкліку было ўстаноўлена, што адбылося абвальванне часткі даху цаглянага будынка дрэваапрацоўчага цэха, памерамі ў плане 15х120 м, перакрыцце драўлянае, дах шыферны па драўлянай абрашотцы (абвальванне адбылося на плошчы 825 кв. метраў), унутры будынка пад завалам знаходзіцца 1954 г.н., рабочы СВК «Чырвоная Армія». У 12-09 работнікамі МНС сумесна з будаўнікамі загінулы быў выняты, работнікі хуткай дапамогі канстатавалі яго смерць. У 13-15 ад старшыні СВК «Чырвоная Армія» паступіла паведамленне аб пацярпелым работніку (прыватная асоба, якая праводзіла будаўнічыя работы) 1974 г.н., які з папярэднім дыягназам «множныя выцятыя раны галавы, тупая траўма галавы, пералом носа» шпіталяваны ва ўстанову аховы здароўя «Рагачоўская ЦРБ».

Са слоў работнікаў РАУС, папярэдне ўстаноўленае наступнае: 30.03.2013 года працы ў дрэваапрацоўчым цэху работнікамі гаспадаркі не праводзіліся. Будаўнікі ажыццяўлялі мураванне сцяны знадворку будынка.

Загінулы, са слоў старшыні, са снежня 2012 года на працу не выходзіў (знаходзіцца на амбулаторным лячэнні), а 30.03.2013 прыйшоў у цэх без апавяшчэння кіраўніцтва гаспадаркі для правядзення работ на дрэваапрацоўчых станках (у асабістых мэтах). Абставіны гібелі і разгляд праводзяць следчыя органы, работнікі МНС у якасці спецыялістаў не прыцягнуты.

Прычына абвальвання ўстанаўліваецца. Меркаваная версія - не выкананне мер бяспекі пры ажыццяўленні рамонтных прац (праект адсутнічаў, работы ажыццяўляліся гаспадарчым спосабам), а таксама на абвальванне даху, магчыма, паўплывала снегавая нагрузка (чыстка даху ад снегу не ажыццяўлялася).