Нямецкія сацыял-дэмакраты зладзілі перамовы з блокам Меркель

Верагодна стварэнне вялікай урадавай кааліцыі.

Сацыял-дэмакратычная партыя Германіі (СДПГ) заявіла пра гатоўнасць пачаць перамовы з блокам Хрысціянска-дэмакратычнага саюза і Хрысціянска-сацыяльнага саюза (ХДС/ХСС) Ангелы Меркель з нагоды стварэння так званай «вялікай» урадавай кааліцыі, паведамляе Lenta.ru са спасылкай на Agence France-Presse.

Як чакаецца, перамовы аб стварэнні кааліцыі могуць заняць некалькі тыдняў. Канчатковую пастанову аб укладанні кааліцыйнага пагаднення СДПГ мае намер прыняць паводле вынікаў галасавання ўсіх чальцоў партыі, якая налічвае блізу 400 тысяч чалавек. Гэта галасаванне можа прайсці ў сярэдзіне лістапада.

Блок ХДС/ХСС выйграў выбары ў Бундэстаг, якія прайшлі 22 верасня, набраўшы 41,5 адсотка галасоў. Гэтай колькасці, аднак, не хапіла для абсалютнай большасці, у сувязі з чым, у адпаведнасці з заканадаўствам, блоку Меркель неабходна фармаваць кааліцыю з іншымі рухамі для стварэння ўрада.

Паводле вынікаў выбараў 2009 ХДС/ХСС фармаваў кааліцыю сумесна са Свабоднай дэмакратычнай партыяй (СвДП). Аднак, паводле вынікаў апошняга галасавання СвДП набрала толькі 4,8 адсоткаў галасоў пры пяці адсоткавым бар'еры і не патрапіла ў Бундэстаг.

СДПГ і ХДС/ХСС апошнім разам былі ва ўладзе ў складзе «вялікай кааліцыі» ў 2005-2009 гадах.

Фота: AFP