МЗС Францыі: Санкцыі супраць РФ узмоцняць, калі менскія пагадненні сарвуцца

Расея будзе несці адказнасць за зрыў менскіх пагадненняў нават у выпадку, калі фармальна іх парушаць баевікі.

Пра гэта заявіў кіраўнік МЗС Францыі Ларан Фабіюс у інтэрв'ю некалькім французскім журналістам, якое транслявалася ў эфіры тэлеканала iTele.

У той жа час, паводле ягоных слоў, у выпадку сумленнага выканання Менскай дамовы (якую ён называе тэрмінам "Менск-2") санкцыйны ціск будзе зменшаны.

"Дыялог з Расеяй дастаткова жорсткі", - заявіў ён.

"Калі сітуацыя будзе паляпшацца, санкцыі будуць змяншацца. Калі ж Расея ці сепаратысты не будуць выконваць (патрабаванні менскага пагаднення) - будуць новыя санкцыі", - падрахаваў міністр, піша "Украінская праўда".

"Пуцін хоча зацвердзіць свой уплыў на суседнія краіны. Вядома гаворка не ідзе аб анэксіі, бо гэта будзе вельмі складана з пункту гледжання легітымізацыі і міжнароднага права", - растлумачыў ён.