«Бясконца наша мара аб свабодзе»

Сайт «Хартыі-97» узнагародзіў блогера NEXTA за смеласць у творчасці і асабістую мужнасць.

29 сакавіка ў Варшаўскім офісе Сharter97.org прадоўжылася ўручэнне Нацыянальнай прэміі «За абарону правоў чалавека» імя Віктара Івашкевіча за 2018 год.

Нагадаем, 21 сакавіка ў Менску сайт «Хартыі-97» узнагародзіў берасцейскіх блогераў і лідараў пратэстаў супраць будаўніцтва акумулятарнага завода Аляксандр Кабанава і Сяргея Пятрухіна, маці загінулага жаўнера Аляксандра Коржыча Святлану Коржыч, актывіста грамадзянскай кампаніі «Еўрапейская Беларусь» Леаніда Кулакова.

Сёння сайт Сharter97.org узнагародзіў прэміяй маладога відэаблогера Сцяпана Святлова, вядомага як NEXTA. Сцяпан Святлоў стаў лаўрэатам прэміі адразу ў дзвюх намінацыях: «За смеласць у творчасці» і «За асабістую мужнасць».

Адкрывала цырымонію галоўная рэдактарка Сharter97.org Наталля Радзіна. У пачатку свайго выступу яна распавяла, чаму мерапрыемства давялося праводзіць і ў Менску, і ў Варшаве:

«Сёлета цырымонія ўзнагароджання Нацыянальнай прэміяй «Хартыі-97» за абарону правоў чалавека, якая носіць імя Віктара Івашкевіча, расцягнулася ў часе і прасторы. Гэта звязанае з тым, што частка нашых уладальнікаў - Аляксандр Кабанаў і Сяргей Пятрухін - не могуць выехаць з Беларусі. Супраць іх распачатыя крымінальныя справы.

Яшчэ адзін наш лаўрэат - Сцяпан Святлоў - знаходзіцца пад крымінальным пераследам у Беларусі. У яго адваротная сітуацыя - ён не можа вярнуцца на радзіму. Мы добра разумеем становішча, у якім знаходзіцца блогер NEXTA, бо многія журналісты сайта Сharter97.org таксама не могуць вернуцца дадому. Таму мы хацелі б уручыць Нацыянальную прэмію тут, у Варшаве.

Сцяпан Святлоў - унікальны для Беларусі маладзён. У яго мільённая аўдыторыя, вельмі смелыя ролікі, у якіх ён называе рэчы сваімі імёнамі, высмейвае калгасную дыктатуру. У сітуацыі, калі ў Беларусі знішчаюцца незалежныя СМІ, Сцяпан Святлоў робіць вельмі важную працу. Мяне асабліва радуе тое, што пасля больш чым 20 гадоў працы сайта Сharter97.org з'яўляюцца такія людзі, як Сцяпан Святлоў. Яму, дарэчы, таксама 20 гадоў. Гэта значыць, «бясконца наша мара аб свабодзе».

Прэмію блогеру NEXTA ўручыў легендарны лідар польскай падпольнай «Салідарнасці», кандыдат ў дэпутаты Еўрапарламента Збігнев Буяк.

«Дарагі лаўрэат, падчас уручэння табе гэтай узнагароды я хачу сказаць, што для нас яна з'яўляецца радасцю сустрэчы і знаёмства з табой, а для цябе - вялікім абавязкам і абавязацельствам.

Што я, ветэран польскай «Салідарнасці», ветэран барацьбы за правы чалавека ў Еўропе, магу сказаць такому маладому чалавеку? Для нас усіх бацькамі-заснавальнікамі руху за барацьбу з'яўляюцца Андрэй Сахараў і Алена Бонэр. Нават знакаміты Яцэк Курань (польскі палітык, адзін з кіраўнікоў апазіцыі ў перыяд існавання ПНР, - заўв. Сharter97.org) заявіў, «што мы ўсе родам з Сахарава і Бонэр».

Калі б яны падчас існавання СССР не пачалі сваю барацьбу, то і мы б не ведалі, што яна можа быць паспяховай.

Я б хацеў сказаць, што нашы краіны яшчэ павінны прыстасавацца да еўрапейскіх стандартаў і каштоўнасцяў. Можна шмат казаць аб гэтых каштоўнасцях, але нічога не ведаць пра іх.

Падчас правядзення трэнінгаў і сустрэч са студэнтамі я ўвесь час кажу пра тое, што калі хочаш правесці нейкія рэформы ў грамадстве, то ты павінен пераканаць людзей у іх важнасці і патрэбнасці. Каб цябе зразумелі з тваімі ідэямі, трэба мець вялікую падтрымку ў грамадстве.

Калі мы пачыналі рэформы ў Польшчы, то ў нас былі толькі газеты, тэлевізія, аўдыёкасеты. Сёння вы, моладзь, валодаеце нашмат большымі магчымасцямі, якія шматкроць перавышаюць нашы.

Таму я хачу сказаць нашаму лаўрэату, што ён вельмі важны для нашых краін. Менавіта ён мае ўплыў і веды, якія дазваляюць кантраляваць нас, палітыкаў.

Сёння многія палітыкі ператварыліся ў зорак шоў-бізнэсу. Але менавіта такія людзі, як наш лаўрэат, прадаўжаюць трымаць нас у тонусе.

Вельмі важна разумець, што сапраўднымі гарантамі бяспекі і парадку з'яўляюцца не паліцыя і сілавыя структуры, а спорт, культура, адукацыя, грамадзянская супольнасць. Гэта 95% парадку і бяспекі. На жаль, нават мы ў Польшчы яшчэ не да канца гэта зразумелі.

Палітыкі ніколі не справяцца з гэтай задачай, пакуль такія людзі, як наш лаўрэат, не растлумачаць і не перададуць гэтую ідэю грамадству. Гэта неймаверна цяжка, але важнае і цікавае заданне. Зычу Сцяпану поспеху на гэтым шляху», - сказаў Збігнеў Буяк.

Сцяпан Святлоў падзякаваў рэдакцыі «Хартыі-97» за прызнанне ягоных заслуг:

«Вельмі прыемна атрымаць гэтую ўзнагароду. Прэмія Сharter97.org - гэта ацэнка маёй дзейнасці, матывацыя прадаўжаць рабіць сваю працу лепш і яшчэ больш старанна. Вялікі дзякуй за гэтую ўзнагароду. Я спадзяюся, што нарэшце мы прыйдзем да той Беларусі, аб якой мы ўсе марым, будзем у сяброўскіх стасунках з Польшчай і іншымі краінамі. Вялікі дзякуй вам!»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com