У Менск вязуць тры мільёны доз кітайскай вакцыны ад каранавіруса

Гэта рэкордная па колькасці пастаўка прэпарата.

Міністэрства аховы здароўя Беларусі паведамляе аб хуткім прыбыцці авіярэйса з КНР, які прывязе ў нашу краіну 3 мільёны доз прэпарата Vero Cell ад каранавіруса. У ведамстве адзначаюць, што гэта - рэкордная партыя вакцыны. Раней прывозілі толькі 1,5 мільёна.

Суправаджальныя дакументы на медыцынскі груз падпішуць міністр аховы здароўя Дзмітрый Піневіч і амбасадар КНР Се Сяаюн.