Лех Валенса заразіўся каранавірусам

Былы прэзідэнт Польшчы «не адчувае ўласнага цела».

Былы прэзідэнт Польшчы Лех Валенса заразіўся COVID-19.

Як напісаў Валенса ў сваім Facebook, ён адчувае сябе не вельмі добра: баліць галава, дрыжыкі, моцна ломіць косці.

«Не магу нічога зрабіць, не адчуваю ўласнага цела», - напісаў ён.

Летась у сакавіку 78-гадовы палітык перанёс сур'ёзную аперацыю на сэрцы.