Навукоўцы патлумачылі, як атрымаць «супэрімунітэт» супраць COVID-19

Навукоўцы расказалі аб «гібрыдным імунітэце».

Даследнікі з Арэгонскага ўніверсітэта здароўя і навукі высветлілі, што пацыенты, якія перахварэлі на штам каранавіруса «омікрон» пасля вакцынацыі, могуць атрымаць «супэрімунітэт» супраць будучых варыянтаў COVID-19. Пра гэта паведамляе Business Insider.

Навукоўцы здалелі высветліць, што пасля прарыўной інфекцыі, калі чалавек захворвае, нягледзячы на прышчэпку ад каранавіруса, ён атрымлівае гібрыдны імунітэт.

У публікацыі адзначаецца, што якасць антыцелаў у тых, хто перахварэў пасля прышчэпкі, была значна вышэйшай.

"Высокі не толькі ўзровень антыцелаў, але і іх здольнасць нейтралізаваць розныя варыянты віруса", - расказаў навуковец Фікаду Тафэсэ.

Ён адзначыў, што навукоўцы мяркуюць, што людзі з такім імунітэтам будуць мець высокі ўзровень аховы ад каранавіруса, але падкрэсліў, што COVID-19 усё яшчэ застаецца непрадказальным.