Як у свеце спрабуюць змагацца з распаўсюджваннем «амікрона»

Лакдаўн у Нідэрландах, бустэрныя прышчэпкі ў Ізраілі, абавязковае нашэнне масак у Францыі.

Новы 2022 год свет сустрэў з надзеяй на заканчэнне пандэміі каранавіруса - і разуменнем таго, што ў найбліжэйшы час гэтага не адбудзецца. Імклівае распаўсюджванне неверагодна заразнага амікрон-варыянту пацягнула за сабой рэзкі ўсплёск заражэнняў у многіх дзяржавах, і гэта вымушае ўлады ўводзіць новыя абмежавальныя меры. Як спрабуюць змагацца з «амікранам» у розных краінах - у DW.

Ізраіль: бустэрныя прышчэпкі

Флагман масавай вакцынацыі ад COVID-19, які яшчэ ў снежні 2020 года пачаў прывіваць сваіх жыхароў, Ізраіль зноў робіць стаўку на прышчэпкі. Раней за ўсіх астатніх краіна адобрыла прымяненне чацвёртай дозы вакцыны для процідзеяння хвалі заражэнняў «амікронам».

Першымі дадатковую прышчэпку павінны былі атрымаць людзі з аслабленым імунітэтам, але з 9 студзеня на яе могуць разлічваць усе жыхары Ізраіля старэйшыя за 60 гадоў і медыцынскі персанал.

Нідэрланды і Аўстрыя: лакдаўн

Каб стрымаць усплёск заражэнняў «амікронам» Нідэрланды яшчэ ў снежні ўвялі агульнанацыянальны лакдаўн. Да 14 студзеня ўсе несістэмаўтваральныя прадпрыемствы застаюцца закрытымі, школы плануюць адкрыцца 9 студзеня. Жорсткія меры стрымлівання, якія істотна паўплывалі на святкаванне ў краіне Раства і Новага года, у многіх у краіне выклікалі рэзкае непрыманне. 2 студзеня на акцыю пратэсту ў Амстэрдаме супраць антыкавідных мер і падаўжэння локдаў выйшлі тысячы людзей - насуперак забароне масавых сходаў.

Трохтыднёвы лакдаўн у канцы лістапада ўвяла і Аўстрыя. Цяпер у большасці рэгіёнаў патрабаванне самаізаляцыі распаўсюджваецца толькі на невакцынаваных жыхароў краіны, якім дазволена выходзіць з дому толькі для выканання неабходных дзеянняў, такіх як купля прадуктаў ці наведванне лекара.

Нямеччына: спрэчкі аб каранціне

Нямеччына рыхтуецца да прыходу хвалі заражэнняў «амікронам», неўзабаве пасля калядных свят увёўшы новыя абмежаванні на колькасць удзельнікаў прыватных сходаў і забараніўшы правядзенне буйных мерапрыемстваў.

У той жа час Нямеччына выключыла са спісу рэгіёнаў з распаўсюджваннем мутацый каранавіруса Вялікабрытанію і восем краін на поўдні Афрыкі, класіфікаваўшы іх як рэгіёны з высокім узроўнем захворвання на ковід. Гэта азначае, што для турыстаў з гэтых краін умовы ўезду ў ФРГ спрошчаны: тым, хто быў поўнасцю вакцынаваны, больш не трэба выконваць карантын.

Абмяркоўваецца магчымасць скарачэння 14-дзённага карантыну і для жыхароў Нямеччыны з адмоўным тэстам на каранавірус. Падставай стала турботу экспэртаў, якія заявілі, што ў выпадку адначасовай ізаляцыі занадта вялікай колькасці людзей узнікне недахоп персаналу на асноўных аб'ектах інфраструктуры - напрыклад, у сістэме аховы здароўя, у паліцыі і пажарнай службе.

ФРГ можа рушыць услед прыкладу Францыі і Гішпаніі, дзе перыяд ізаляцыі скарочаны з дзесяці да сямі дзён. Аднак у Францыі гэта распаўсюджваецца толькі на тых, хто прайшоў поўную вакцынацыю.

Францыя: нашэнне масак і дыстанцыйная праца

Нягледзячы на высокую колькасць заражэнняў «амікронам» Францыя не будзе ўводзіць лакдаўн

Варыянт «амікрон» да канца снежня 2021 года стаў дамінантным у Францыі, у сувязі з чым колькасць заражэнняў пачала рэзка расці. Спрабуючы стрымаць распаўсюджванне інфекцыі, улады краіны ўвялі новыя абмежаванні, скараціўшы з 3 студзеня колькасць удзельнікаў масавых мерапрыемстваў у памяшканнях да 2 тысяч чалавек, і да 5 тысяч - на вольным паветры. Гэтае прадпісанне будзе дзейнічаць на працягу трох тыдняў.

Акрамя таго, працадаўцаў абавязалі забяспечыць супрацоўнікам магчымасць працаваць з дому не менш за тры дні на тыдзень. Забаронена таксама прадаваць і прымаць ежу і напоі ў грамадскім транспарце далёкага накіравання і ў кінатэатрах. У цэнтральных кварталах гарадоў ізноў абавязкова нашэнне масак. Пры гэтым ад увядзення лакдаўна і каменданцкай гадзіны ўлады адмовіліся - па словах міністра аховы здароўя Аліўе Верана, гэта цалкам паралізавала б жыццё ў краіне.

Японія і Тайланд: узмацненне жорсткасці ўмоў уезду

Пакуль што большасці азіяцкіх краін удавалася стрымліваць распаўсюджванне амікрон-варыянту, аднак многія з іх рыхтуюцца да павелічэння колькасці заражэнняў. У апошнія дні значны ўсплёск захворвання назіраўся, напрыклад, у Індыі. Урады Тайланда і Японіі ў апошнія тыдні аднавілі меры абмежавання ўезду замежнікаў - адразу пасля таго, як у гэтых краінах былі знойдзены першыя выпадкі інфікавання «амікронам».

Для Японіі, дзе дзейнічаюць адны з самых цвёрдых патрабаванняў, гэта азначае, што большасці замежных грамадзян забаронены ўезд у краіну. У Тайландзе, турыстычны сектар якога пацярпеў падчас пандэміі, турыстам з іншых краін усё яшчэ дазволены ўезд, але яны павінны прайсці карантын. Праграма «Test & Go» часова прыпыненая.