Znak: Жырыноўскі не можа дыхаць самастойна

Лекары адключылі палітыка ад назальнай канюлі.

Лідар ЛДПР Уладзімір Жырыноўскі падключаны да апарата ШВЛ, паведамляе Znak.com са спасылкай на крыніцы. Паводле інфармацыі выдання, лекары адключылі палітыка ад назальнай канюлі, бо ён больш не мог дыхаць самастойна.

«Стан пакуль не паляпшаецца, учора мог дыхаць, сёння [сам] не можа», - заявіла адна з крыніц.

Як адзначае Znak.com, Жырыноўскага не сталі адразу падключаць да ШВЛ, бо лекары асцерагаліся таго, што пасля зняць палітыка з апарата ўжо не атрымаецца.

Інфармацыя аб шпіталізацыі лідара ЛДПР з'явілася 9 лютага. Паводле інфармацыі розных СМІ, палітык знаходзіцца ў цяжкім стане з двухбаковай пнеўманіяй. Ацэнкі паражэння лёгкіх Жырыноўскага вар'ююцца ад 30 да 75%. Пры гэтым у партыі сцвярджаюць, што палітык адчувае сябе нармальна.