Аляксандр Каваленка: Расейскі А-50 магла збіць новая мадыфікаваная ракета

Ваенны экспэрт расказаў аб самым цікавым моманце дзёрзкай аперацыі УСУ.

Збіццё расейскага самалёта А-50 над Азоўскім морам знішчыла міф пра яшчэ адну ўнікальную расейскую зброю.

Пра гэта сайту Charter97.org заявіў украінскі ваенна-палітычны аглядальнік групы “Інфармацыйны супраціў” Аляксандр Каваленка:

- Пачну з таго, што самае галоўнае і цікавае пытанне тое, на якое так і не будзе дадзена адказу як мінімум найбліжэйшым часам. А менавіта - чым збілі? Паколькі тыя сродкі, якія афіцыйна ёсць у Украіны, нават ЗРК Patriot, мякка кажучы, не зусім дацягваюцца да таго месца, дзе быў пашкоджаны ІЛ-22М і знішчаны А-50.

Не выключана, што быў выкарыстаны нейкі іншы, цікавейшы, высокатэхналагічны сродак. Магчыма, нейкая новая мадыфікаваная ракета ці іншыя метады паразы.

Справядліва адзначу, што А-50 вельмі добрае выконваў свае функцыі. Гэта нядрэнны самалёт далёкага радыёлакацыйнага выяўлення і выведкі ў паветранай прасторы. Ён не толькі дазваляў выяўляць у паветранай прасторы ўкраінскую авіяцыю, а таксама фіксаваць і папярэджваць пускі крылатых ракет тыпу Storm Shadow/SCALP-EG, але займаўся і дадатковым цэлеўказаннем для расейскіх ракет, для налётаў іх тактычнай авіяцыі. Акрамя таго, расейцы іх выкарыстоўвалі для павелічэння радыюсу дзеяння комплексу СПА С-400. Гэта значыць, свае функцыі ён выконваў.

Але ў тым і справа, што расейская тэхніка, якую яны называюць самай сучаснай, “аналоговнет”, калі сустракаецца з заходнім узбраеннем, то, мякка кажучы, не дэманструе чаканых ад яе якасцяў.

Так было і з ракетай “Кінжал”. Шайгу заяўляў, што гэтую ракету немагчыма перахапіць, але як толькі ва Украіны з'явіўся ЗРК Patriot, то з першага ж яго стрэлу “Кінжал” быў перахоплены.

Мядзведзеў піярыў і танкі Т-90, хаця іх ужо больш за 100 знішчана ва Украіне. Параўнальна нядаўна з'явілася відэа, на якім БМП М2А2 "Брэдлі" яго папросту ва ўпор расстрэльвае. Экіпаж танка не выратавала і браня. Гэта ўнікальны выпадак, калі БМП расстраляла танк.

Не выключаю, што для расейскіх рэалій А-50 выконваў свае функцыі і быў вяршыняй тэхналагічнай думкі. Пры сустрэчы ж з нейкімі новымі ўзорамі ўзбраення ён мог нават не ўбачыць ракету, якая ў яго бок паляцела.

- Як збіццё А-50 можа паўплываць на ход баявых дзеянняў ва Украіне?

- Адразу гэта крытычна не адчуецца, але ў цэлым растлумачу, як выкарыстоўваліся гэтыя самалёты. Іх выкарыстоўвалі ў рэжыме дзяжурства, вылятаючы ў паветраную прастору РФ і часова акупаванай тэрыторыі Украіны. Маршрут у іх праходзіў і праз Азоўскае мора.

Пяць бартоў перыядычна дзяжурылі адзін за адным, каб практычна ў рэжыме 24/7 даваць усю інфармацыю раскйскім акупацыйным войскам аб сітуацыі ў паветранай прасторы Украіны.

Цяпер жа ў іх чатыры барты. Такім чынам, яны альбо будуць павялічваць змены, альбо ўзнікнуць "белыя плямы". Магчыма, што нейкі час яны будуць пазбаўлены поўнай інфармацыі, бо будуць на больш бяспечную адлегласць пракладаць маршруты. Тады яны не будуць атрымліваць поўнай інфармацыі аб украінскіх тылах.

Важна тое, што гэты самалёт зараз у Раскі не вырабляецца, аднавіць яго вытворчасць немагчыма. Гэта незаменная страта для іх.

- УСУ ўжо затапілі флагман Чарнаморскага флоту РФ, унікальны самалёт збілі. Які сімвал расейскага ВПК можа быць на чарзе?

- Т-14 «Армата» або знішчальнік Су-57.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com