У Менску дырэктарка турагенцтва прысвойвала грошы кліентаў

Больш за 50 беларусаў засталіся без адпачынку і грошай.

Дырэктарка турагенцтва прысвойвала грошы кліентаў. Больш за 50 беларусаў засталіся без адпачынку і грошай, сума шкоды складае не менш за 40 тысяч рублёў.

Міліцыя затрымала дырэктарку турыстычнай фірмы - 34-гадовую мянчанку. На працягу паўгода жанчына знаходзіла ахвочых адпачыць і падбірала ім туры.

Кошт на туры мянчанка ўстанавіла ніжэйшы за рынкавы, каб завабіць большую колькасць заказчыкаў. Жанчына разлічвала кампенсаваць розніцу за кошт павелічэння аб'ёмаў продажу і росту прыбытку фірмы, аднак запазычанасць перад кліентамі імкліва расла, а туры некаторых з іх заставаліся неаплачанымі.

Колькасць тых, хто не змог паляцець на адпачынак, павялічвалася — ашуканыя беларусы сталі звяртацца ў міліцыю. На сёння вядома пра больш за 50 пацярпелых у Менску, сума шкоды складае не менш за 40 тысяч рублёў.

Распачатая крымінальная справа за махлярства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com