У Беларусі разганяецца інфляцыя

Гэта прызналі нават лаяльныя да ўлады экспэрты.

Інфляцыя ў Беларусі ў кастрычніку склала 5,9 адсотка гадавых. Месяцам раней гэты паказчык складаў 6 адсоткаў. Гэта значыць, агулам у гадавым вылічэнні назіраецца запаволенне росту коштаў. Аднак экспэрты Еўразійскага банка развіцця (ЕАБР), лаяльныя да беларускіх уладаў, звяртаюць увагу на тое, што ёсць некалькі паказчыкаў, якія паказваюць, што з коштамі не ўсё так добра, як хацелася б.

«Асноўным чыннікам росту коштаў стала падаражанне нерэгуляваных паслуг. Інфляцыя (на іх. - Заўвага. рэд.) у паслугах павысілася да 6% гадавых у кастрычніку пасля 5,6% гадавых у верасні, - адзначаюць у ЕАБР. - Прыкметны рост коштаў на нерэгуляваныя паслугі абумоўлены істотным павелічэннем выдаткаў на аплату працы і высокім узроўнем спажывецкага попыту».

У ЕАБР звяртаюць увагу на тое, што працягвае паскарацца базавая інфляцыя, якую разлічваюць без уліку сезоннасці, - да 5,3% гадавых у кастрычніку. Для параўнання: у верасні гэты паказчык быў на ўзроўні 5,1%, а ў жніўні - 4,8%.

“У таварным сегменце інфляцыя заставалася сярэдняй дзякуючы ўздзеянню мер коштавага рэгулявання. Інфляцыя харчовага кошыка склала 7,2% г/г у кастрычніку пасля 7,5% г/г у верасні - ключавым чынікам стала зніжэнне коштаў на гародніну. Нязначна замарудзілася інфляцыя нехарчовых тавараў - да 4,1% г/г у кастрычніку пасля 4,2% г/г у верасні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com