Для беларусаў могуць узняць плату за адну з паслуг ЖКГ
11- 18.11.2024, 10:42
- 8,322
Ужо ў наступным годзе.
У Менскай гарадской жыллёвай гаспадарцы (МінЖКГ) паведамілі, што спецыялісты падрыхтавалі змены ў тэхнічны кодэкс аб правілах абыходжання з камунальнымі адкідамі.
"Гэта развяжа праблему несанкцыянаванага вынасу і складавання будаўнічых адкідаў у дварах", — мяркуюць у гаспадарцы.
Так, у МінЖКГ паскардзіліся на «несвядомых жыхароў», якія пакідаюць будаўнічыя адкіды ля кантэйнераў для смецця ці нават закідваюць іх туды.
"Бывае, маніпулятар смеццявоза не можа падняць бак, каб перакуліць яго змесціва ў кузаў, - бак занадта цяжкі. Менавіта адкіды з бетону, цэменту і іншых будаўнічых або абліцавальных матэрыялаў ствараюць праблему, піша "Минск-Новости".
Зараз бытавыя будаўнічыя адкіды не ўключаюць у сярэднегадавы нарматыў утварэння цвёрдых камунальных адкідаў (ТКА) на аднаго чалавека.
"Аднак гэтага патрабавання пільнуюцца не ўсе грамадзяне. Выявіць і прыцягнуць да адказнасці парушальнікаў магчыма", — заявіла намесніца генеральнага дырэктара добраўпарадкавання, санітарнага ўтрымання жыллёвага фонду МінЖКГ Настасся Вараб'ёва.
Яна сцвярджае, што рабочыя комплекснай прыборкі "звычайна ведаюць і бачаць, у якой кватэры вядзецца перапланіроўка" і "паведамляюць нумар кватэры майстру ўчастка ЖЭС, той праводзіць праверку і ў выпадку пацвярджэння факту складае пратакол".
“Майстры марнуюць свой працоўны час, які можна выкарыстоўваць больш прадуктыўна, на разборы. У асобных выпадках выявіць вінаватага і зусім не ўдаецца”, – сказала Вараб'ёва.
Таму спецыялісты інстытута "Белжылпраект" распрацавалі праект новай рэдакцыі ТКП 17.11-08-2020 "Ахова навакольнага асяроддзя і прыродакарыстанне. Правілы абыходжання з камунальнымі адкідамі".
Таму, калі новую рэдакцыю прымуць, у беларусаў падвысіцца плата за вываз смецця — "да яе прыменяць павялічаны за кошт уключэння будаўнічых адходаў спажывання нарматыў".
"Гэта нязначна адаб'ецца на выніковай суме аплаты за паслугу ў рахунках", – сцвярджае Вараб'ёва.
Спецыялісты мяркуюць, што гэта адбудзецца ў 2025 годзе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
