Як Лукашэнка даляр «абрынуў»
20- 19.11.2024, 14:27
- 30,230
Амерыканская валюта яшчэ пасмяецца на пахаванні дыктатара.
На таргах на Беларускай валютна-фондавай біржы даляр, якія адбыліся ў панядзелак, 18 лістапада, даляр устанавіў новы рэкорд — 3,3897 рубля. Шэраг беларускіх банкаў ужо прадаюць у сваіх абменніках даляр звыш 3,4 рубля.
Таксама падаражэлі еўра і расейскі рубель.
Цікава, што даслоўна паўгода таму Аляксандр Лукашэнка голасна прарочыў даляру падзенне, піша «Салідарнасць».
- Даляр вось-вось абрынецца. Цяпер ні даляр, ні еўра ўжо нікому не патрэбныя. І гэта ўжо не толькі ў Беларусі і ў Расеі - гэта ўжо ў многіх краінах. <..> Я кажу, таму што я са шматлікімі лідарамі размаўляў, - паведаміў эксклюзіўную інфармацыю самы дасведчаны ў свеце правадыр.
Курс даляра ў той дзень складаў: 1 даляр = 3,2313 рубля.
Зрэшты, "падзеннем" амерыканскай валюты Лукашэнка займаецца даўно і з задавальненнем. "Даляр стане таннейшым", "Будзьце асцярожныя з гэтым далярам", "Курс даляра гэты абрынецца", "Для чаго хапаць гэтыя паперкі", "Навошта на тым свеце даляры?" - менавіта гэта мы чуем на працягу 30 гадоў.
І хоць рэальнасць выглядае крыху інакш, гэта не замінае правадыру з года ў год “хаваць” амерыканскую валюту (а разам з ёй і еўра). І вось як гэта было.
2009 год
Асабліва актыўна Лукашэнка пачаў абяцаць крах даляра пасля навагодняй дэвальвацыі рубля ў 2009-м.
- Невядома, што яшчэ будзе з далярам і еўрамі... Мы нават разлічваем, што нам трэба будзе ўмацоўваць рубель, а даляр стане таннейшы. (9.12.2009)
На той момант курс Нацыянальнага банка складаў: 1 даляр = 2 645 рублёў.
2010 год
- Хачу вас папярэдзіць. Вы бачыце, што адбываецца з далярам. Амерыканцы надумалі падтрымаць сваю эканоміку і ўкідваюць у яе 600 млрд даляраў як мінімум. У такіх выпадках звычайна адбываецца дэвальвацыя валюты. Таму будзьце асцярожныя з гэтым далярам. Я вас папярэдзіў. (12.11.2010)
На той момант курс Нацыянальнага банка складаў: 1 даляр = 3030 рублёў.
2011 год
І тут здарылася падзенне нацыянальнай валюты.
— Як вы цудоўна разумееце, гэта толькі ў Беларусі нашы разумныя беларусы, “свядомыя”, ці з іх падачы хапаюць гэтыя паперкі даляравыя. Вы выдатна разумееце, што сёння ідзе каласальнае напампаванне далярамі сусветнай эканомікі, што можа прывесці да яшчэ аднаго падзення гэтай эканомікі. Мы гэта ўсё ведаем. Тое ж самае і на рынку еўра адбываецца. Ідзе зноў жа напампоўка гэтых еўра-паперак… (10.06.2011).
На той момант курс Нацыянальнага банка складаў: 1 даляр = 4961 рубель.
- Зараз звядзём абедзве сесіі ў адну літаральна днямі, і курс даляра гэты абрынецца. Калі ўжо шчыра казаць, мы высокі курс даляра і падтрымлівалі, не ўмешваючыся, дзесьці акуратна дзейнічаючы. (18.10.2011).
На той момант курс Нацыянальнага банка складаў: 1 даляр = 5692 рублі.
А да 31 снежня 2011 года даляр каштаваў ужо 8 350 рублёў замест леташніх 3 000 тысяч. Агульная дэвальвацыя толькі за дзесяць месяцаў склала 189 адсоткаў.
2014 год
18 снежня 2014 года дыктатар Беларусі паабяцаў, што ніякай дэвальвацыі не будзе.
На той момант курс Нацыянальнага банка складаў: 1 даляр = 10 880 рублёў.
Ужо на наступны дзень беларуская валюта здзейсніла тое, што Лукашэнка прадказваў даляру - абрынулася. Піке было зацяжным.
І далей - як па алеі.
18 снежня 2015 года курс Нацыянальнага банка складаў: 1 даляр = 18 338 рублёў.
18 студзеня 2016 года курс Нацыянальнага банка складае: 1 даляр = 20 132 рублі.
Ну а пасля, у ліпені 2016-га, здарылася дэнамінацыя, і даляр стаў каштаваць “сціплых” 2 рублі з хвосцікам, не патаннеўшы пры гэтым ні на ёту.
І вось 2024 - і новыя змрочныя прагнозы наконт даляра ад беларускага Настрадамуса. А разам з імі і новыя антырэкорды рубля.
Мяркуючы з усяго, пахаванне даляра зноў адкладзенае на нявызначаны перыяд.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
