У Польшчы адказалі на пагрозы РФ праз базу NATO

«ЗША і NATO давядзецца ўзмацніць супрацьпаветраную абарону ўсяго ўсходняга флангу».

Нягледзячы на правакацыйныя заявы Расейскай Федэрацыі, вайсковая супрацьракетная база NATO ў Рэдзікаве з'яўляецца выключна абароннай. Пра гэта заявіў прэс-сакратар міністэрства замежных спраў Польшчы Павел Вроньскі ў каментары рэакцыі расейскага МЗС на адкрыццё супрацьракетнай базы Альянсу ў Рэдзікаве, паведамляе RMF24.

Спікерка МЗС РФ Марыя Захарава 21 лістапада назвала размяшчэнне новага СПА «дэманстрацыяй амерыканскай моцы за тысячы кіламетраў ад нацыянальнай тэрыторыі ЗША» для сілавога ціску на РФ і прыстрашыла Польшчу «патэнцыйнай паразай» праз адкрыццё на тэрыторыі краіны базы супрацьракетнай абароны ЗША Aegis Ashore.

Спікер польскага МЗС заявіў, што калі Расея адновіць свае пагрозы, значыць, у будучыні ЗША і NATO давядзецца ўзмацніць супрацьпаветраную абарону ўсяго ўсходняга флангу. Вроньскі таксама дадаў, што ў Польшчы існуе агульны кансэнсус - як сярод грамадзян, так і ўсіх палітычных сіл - аб тым, што ўсходні фланг NATO павінен мець найлепшую супрацьпаветраную абарону.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com