ЗША ўвялі санкцыі супраць Газпрамбанка

Пад абмежаванні патрапілі і першыя намеснікі старшыні ЦБ РФ.

Газпрамбанк і «Дом.РФ» патрапілі пад санкцыі ЗША, вынікае з абноўленага спісу на сайце Управы кантролю за замежнымі актывамі ЗША (OFAC, падраздзяленне амерыканскага Мінфіна, якое адказвае за праваўжыванне ў галіне санкцый).

Абодва банкі ўваходзяць у топ-10 расейскіх крэдытных арганізацый па аб'ёме актываў: Газпрамбанк займае 3-е месца з 18,2 млрд руб, а банк «Дом.РФ» – 9-е месца з 3,2 млрд руб. (На падлікі banki.ru на кастрычнік 2024 года).

Таксама пад новыя амерыканскія санкцыі патрапілі:

GPB Financial Services Limited, GPB International, GPB-DI Holdings Limited - даччыныя міжнародныя кампаніі Газпрамбанка;

«Мір Бізнэс Банк» («МБ Банк»), заснавальнікам і адзіным акцыянерам якога з'яўлялася ААТ «Банк Мелі Іран»;

«Еўрафінанс Маснарбанк»;

АТ «Вэйбанк»;

ПАТ «Вітабанк» і інш.

Як удакладнілі ў Мінфіне ЗША, усяго сёння пад амерыканскія санкцыі патрапілі больш за 50 расейскіх банкаў з міжнароднымі сувязямі, больш за 40 расейскіх рэгістратараў каштоўных папер і 15 расейскіх чыноўнікаў.

Так, пад санкцыі патрапілі першыя намеснікі старшыні Цэнтрабанка РФ Дзмітрый Тулін і Уладзімір Чысцюхін, кіраўнік дэпартамента нацыянальнай аплатнай сістэмы ЦБ Ала Бакіна і кіраўніца дэпартамента ўстойлівасці фінансавай сістэмы Лізавета Данілава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com