Пенсіянер абліў лукашыстаў вадой

І забраў «падпісны ліст».

Падчас «выбараў» 2020 года пенсіянер з Віцебску выліў ваду на зборшчыкаў подпісаў за Лукашэнку. Інфармацыю аб гэтым ініцыятыва tribunal.info знайшла ў Адзіным дзяржаўным банку звестак аб правапарушэннях.

Інцыдэнт адбыўся ўвечары 29 траўня. Як вынікае з запісу, унесенага ў АДБДП, намеснік дырэктара віцебскай гімназіі №2 Ігар Капілец і настаўнік Уладзімір Цяцерын збіралі подпісы ў падтрымку вылучэння Лукашэнкі.

«Падчас збору подпісаў, на лесвічнай пляцоўцы дома № <…> па вуліцы Кірава ў Віцебску, гаспадар кватэры - пенсіянер <…> абліў іх вадой і забраў падпісны ліст з васьмю подпісамі», - гаворыцца ў запісе аб правапарушэнні.

Пасля гэтага Капілец і Цяцерын патэлефанавалі ў міліцыю і паведамілі аб здарэнні. Інфармацыю аб інцыдэнце перадалі з Віцебску ў Менск. Паводле гэтага факта праводзілася праверка. Чым яна скончылася - невядома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com