Украіна зможа знішчаць «незбіваныя» расейскія ракеты «Кедр»

Як гэта магчыма?

Расейскі балістычны ракетны комплекс «Кедр», хоць і з'яўляецца параўнальна свежай распрацоўкай, аднак зробленай на аснове савецкай тэхнікі. І цяпер супрацьпаветранай абароне Украіны можа быць складана збіваць падобныя сродкі паразы, піша NV.

Калі ракета набірае вышыню, адбываецца падзел блокаў на 6 баявых частак. І найбольш верагодным варыянтам іх паразы, як адзначыла крыніца выдання ў сектары бяспекі і абароны, можа быць збіццё якраз асобных блокаў, а не цэласнай ракеты.

Пры гэтым, як паведаміла NV іншая крыніца ва Узброеных сілах, цяпер Украіна абмяркоўвае з ЗША магчымасць вылучэння зброі, здольнай збіваць міжкантынентальныя ракеты. Гаворка можа ісці пра мадэрнізацыю ЗРК Patriot або атрыманне амерыканскай сістэмы супрацьракетнай абароны Aegis або THAAD.

Што такое Aegis

Aegis Combat System з'яўляецца амерыканскай праграмай глабальнай супрацьракетнай абароны і прызначаная для абароны ад балістычных ракетаў малой і сярэдняй далёкасці. На ўзбраенні стаяць ракеты-перахопнікі SM-2 Block IV, якія выкарыстоўваюцца для знішчэння балістычных ракетаў у атмасферы на заключным этапе палёту і ракеты-перахопнікі SM-3, якія знішчаюць цэлі, змешчаныя ў сярэдняй частцы палёту і ляцяць за межамі атмасферы. Знаходзіцца ва ўправе Ваенна-марскога флоту.

Што такое THAAD

THAAD – супрацьракетны комплекс рухомага наземнага базавання для вышыннага заатмасфернага перахопу балістычных ракетаў сярэдняй далёкасці. Супрацьракета PAC-3 Missile Segment Enhancementd можа перахопліваць цэлі на вышыні да 200 км пры хуткасці 3,5–4,8 км/сек. Каштуе такі комплекс блізу $3 млрд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com