Тут вам не Карабах

Расея імкліва губляе генералаў.

Z-ваенкары паведамляюць аб адстаўцы генерал-палкоўніка Генадзя Анашкіна з пасады камандуючага групоўкай войск «Поўдзень» (злева).

Праз адсутнасць вынікаў на Северскім кірунку, за ілжывыя даклады і неапраўдана вялікія страты.

Генерал, як і многія калегі ў пагонах (ды і без гэтых), замест таго, каб паведамляць вышэйшаму камандаванню аб сапраўдным становішчы спраў, рапартаваў аб тым, што хоча пачуць «вялікі геапалітык» - што «ўсё ідзе паводле плана». А менавіта аб няісным узяцці чарговых пазіцый. А калі «пінжакі» ў Генштабе ўтыкалі сцяжкі ў мапу, патрабуючы прасоўвання далей, «палкаводзец» спешна і без падрыхтоўкі кідаў войскі ў «мясныя штурмы», каб прыкрыць свой зад. Абапіраючыся на няправільныя звесткі, падраздзяленні змушаныя былі атакаваць усляпую, што вяло да вялікіх страт.

Z-этнікі пішуць пра гэта даўно і ўвесь час. У апошнія пару месяцаў аб такіх гісторыях ля Белагораўкі, Грыгараўкі, Залатароўкі, Серабранкі, Выемкі, Верхнекаменскага...

Нядаўна шэраг камандзіраў там знялі праз тое, што тыя ілгалі начальству аб узяцці некалькіх сёлаў пад Северскам. Пасад пазбавіліся камандуючы і начальнік штаба 3-й агульнавайсковай Луганска-Паўночнаданецкай арміі, а таксама камандзіры 6-й, 7-й і 123-й брыгад УС РФ.

Анашкін толькі 15 траўня гэтага года стаў выканаўцам абавязкаў камандзіра войскамі Паўднёвай вайсковай акругі (ПВА). Да гэтага камандаваў 8-й гвардзейскай агульнавайсковай арміяй, якая брала актыўны ўдзел у «спецаперацыі» супраць Украіны.

Удзельнічаў у аперацыях у Чачэніі, Югаславіі і Паўднёвай Асеціі супраць Грузіі.

А з 25 верасня 2021 да 11 студзеня 2022 года камандаваў т.зв. «Расейскім міратворчым кантынгентам у Нагорным Карабаху». Даводзіў сваю карыснасць Крамлю, прыкрываючы іншую «спецаперацыю» - саюзнага азербайджанскага дыктатара Аліева, якая пасля лагічна скончылася этнічнай чысткай армян у Нагорным Карабаху ўвосень 2023 г.

Дарэчы, першым камандуючым «міратворцамі» (11 лістапада 2020 - 9 верасня 2021) там быў Рустам Мурадаў. У 2023 г., як і Анашкін, атрымаў званне генерал-палкоўніка. Але ўжо ў красавіку таго ж года, як пісалі СМІ, быў вызвалены ад пасады камандуючага Усходняй вайсковай акругай.

Муратаў адзначыўся лабавымі штурмамі яшчэ ў 2022-м у Данецкай вобласці. Але пасля няўдач пад Вуглядарам у студзені-лютым 2023 г. цярпенне начальства лопнула, калі стала вядома, як на адкрытай мясцовасці па мінных палях і без неабходнага прыкрыцця штораз войскі кідалі ў напады «малымі механізаванымі групамі».

Наогул, толькі за 2022–2023 гг. за правалы, страты былі адхіленыя камандуючыя:

генерал-палкоўнік Аляксандр Лапін (групоўка «Цэнтр»),

генерал-палкоўнік Аляксандр Чайко (Усходняя ВА),

генерал-палкоўнікі Аляксандр Жураўлёў і Генадзь Жыдко (Заходняя ВА),

Адмірал Ігар Осіпаў (Чарнаморскі флот),

генерал арміі Аляксандр Дворнікаў (як кіраўнік Паўднёвай ВА фактычна камандаваў «СВА» да прызначэння Сяргея Суравікіна, якога потым знялі з пасады «камандуючага Аб'яднанай групоўкай расейскіх войск ва Украіне»),

генерал-лейтэнант Сяргей Кісель (1-е гвардзейскае танкавае войска),

генерал-лейтэнант Аляксей Завізьён (пач. штаба ЗВА)...

Пасля частку з іх тасавалі па вертыкалі ці гарызанталі.

Але толку, як бачым, асабліва няма. І не толькі таму, што ўварванне ва Украіну - гэта вам не цынічная аперацыя прыкрыцця ў Карабаху, не «далучэнне Крыма», не Грузія і нават не «спецаперацыя ў Сірыі» або гібрыдная вайна на Данбасе, у якіх «загартаваліся» пуцінскія генералы.

«Памыляцца можна, хлусіць нельга», - паўтаралі зэтнікі за новым міністрам абароны РФ Белавусавым, ускладаючы на яго надзеі. А ў выніку хлусні рабілася ўсё больш, што ўжо прызналі і яны самі пасля паўтораў гісторый а-ля «Эрнэст і Гудвін», «бессэнсоўных сточванняў» і прызнанняў аб «лішніх людзях», якіх не шкада.

Ад перастаноўкі крэслаў і лозунгаў нічога не зменіцца ў сістэме, галоўным падмуркам якой з'яўляюцца хлусня, крывадушнасць, цынізм, крадзеж, некампетэнтнасць, пагарда да закона і каштоўнасці чалавечага жыцця. Сістэме, якую z-патрыёты падтрымлівалі супраць іншых, унутры краіны і па-за ёй, але напароліся на яе самі.

Тэлеграм-канал «СерпомПо»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com