Мядзведзеў заявіў, што Расея ваюе з Захадам

Намеснік старшыні Рады бяспекі РФ назваў базы NATO цэлямі.

Расея знаходзіцца ў стане вайны з Захадам, заявіў намеснік старшыні Рады бяспекі РФ Дзмітрый Мядзведзеў у інтэрв'ю тэлеканалу Al Arabiya, і папярэдзіў, што ў выпадку далейшай эскалацыі ва Украіне вайсковыя базы NATO могуць аказацца цэлямі ўдараў.

«Наша краіна знаходзіцца ў стане вайны, прычым з усім заходнім светам. І таму мы будзем зыходзіць з тых дакументаў, якія падпісаныя кіраўніком дзяржавы. А пастанову, вядома, тут прымае вярхоўны галоўны камандзір, гэта значыць, прэзідэнт краіны», – заявіў ён.

Паводле ягоных словаў, пра пераход краінаў Захаду да прамога ўдзелу ў канфлікце сведчаць атакі заходнімі ракетамі на аб'екты на тэрыторыі Расеі. «Гэта ўсё роўна мяняе ход боестыкненняў і таго, што адбываецца, паколькі сведчыць, што блок NATO – і Вашынгтон, і іншыя ўдзельнікі гэтага альянсу – у сутнасці, уключыліся ўжо не ў гібрыдную, а ў паўнавартасную вайну супраць нашай краіны», – паказаў ён.

«Што да канкрэтных вайсковых аб'ектаў, базаў у любой з дзяржаваў. У цяперашні момант, калі канфлікт будзе развівацца паводле эскалацыйнага сцэнару, немагчыма выключыць нічога, паколькі дзяржавы, якія ўваходзяць у NATO, у сутнасці, у поўнай ступені ўключыліся ў гэты канфлікт», – адказаў Мядзведзеў на пытанне журналістаў пра магчымасць удараў па ваенных аб'ектах на тэрыторыі Румыніі і Польшчы (цытата паводле «РІА Навіны»).

Кіраўніцтва NATO неаднаразова аспрэчвала сцвярджэнні пра прамы ўдзел у канфлікце і падкрэслівала, што дапамагае Украіне ўзбраеннем і выведнымі звесткамі, але войскі не пасылае.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com