«Пуціну тэрмінова патрэбная дапамога лекараў, гэтым разам усё сур'ёзна»

Паліттэхнолаг адзначыў дзіўныя моманты ў звароце пра «Арэшнік».

Напярэдадні звароту аб балістычнай ракеце “Арэшнік" расейскі дыктатар Уладзімір Пуцін больш за 2 тыдні не з'яўляўся на публіцы. Магчыма, ён дрэнна сябе адчуваў пасля некалькіх буйных мерапрыемстваў, таму меў патрэбу ў дапамозе лекараў і лекаў адпаведна.

Але трэба было тэрмінова супакоіць расейскае войска праз удары ракетамі ATACMS па Расеі, таму з'явілася такое дзіўнае відэа. Такое меркаванне “24 Каналу" выказаў паліттэхнолаг Міхаіл Шейтэльман, адзначыўшы, што яго часткова маглі стварыць з дапамогай штучнага інтэлекту.

Якія праблемы могуць быць у Пуціна

Пасля саміту БРІКС у Казані і эканамічнага форуму на Валдаі расейскі дыктатар Уладзімір Пуцін знік на 2 тыдні. Звычайна так здараецца пасля кожнага важнага мерапрыемства. Гэта сведчыць, што ён не можа доўга працаваць і заставацца ў добрай фізічнай форме.

"Відавочна, што яму патрэбная дапамога нейкіх лекаў і лекараў. Не ведаю якіх дакладна, але гэтым разам было нешта сур'ёзнае, калі знік на 2 тыдні”,- падкрэсліў Шэйтэльман.

У гэты час расейскія СМІ публікавалі нібыта “свежыя” відэа Пуціна з рэгіянальнымі лідарамі. Але, улічваючы размову, было зразумела, што сустрэча адбылася яшчэ паўгода-год таму. Пра гэта сведчылі даўнія і неактуальныя навіны.

Што дзіўнага ў відэа пра "Арэшнік”

З вялікай імавернасцю ролік аб балістычнай ракеце “Арэшнік" запісвалі ў экстраным рэжыме. Ён быў сапраўды незапланаваны. Калі УСУ ўдарылі ракетамі ATACMS па Расеі, расейцы хацелі пачуць адказ ад свайго “лідара" – так і з'явілася гэта відэа.

“Яны знялі не рэальную карцінку. Выкарыстоўвалі штучны інтэлект. Гэта сапраўдны Пуцін, але знялі толькі частку ягонага цела. Відавочна, ён цяпер выглядае не вельмі добра і адчувае сябе гэтак жа. Выяву рук акурат сабралі ў цэлую карцінку на мантажы”, – адзначыў Міхаіл Шейтэльман.

Прамова Пуціна была таксама незвычайнай. Ён пачаў яе не з традыцыйных слоў “дарагі рускі народ", а наогул без кантэксту. Маўляў, “я хачу паведаміць расейскім жаўнерам". Гэта быў зварот да войска, зусім не да грамадства. Магчыма, Пуцін мяркуе, што ягонае войска сумняваецца ў яго магчымасцях супрацьстаяць Заходняй зброі, якая ёсць ва Украіны.

Што цікава, на відэа ў Пуціна сапраўды дзіўная міміка і вымаўленне некаторых слоў. Рукі ўвесь час былі прыкаваныя да стала, толькі часам паторгваўся мезенец. Запісаны ролік быў у тым жа бункеры, што і 24 лютага 2022 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com