Расея нанесла авіяўдары па Алепа ўпершыню з 2016 года

Паўстанцы занялі ўжо палову горада і ўзялі пад кантроль важныя дзяржаўныя будынкі.

Расея ўпершыню з 2016 года нанесла авіяўдары па сірыйскім горадзе Алепа. Паўстанцы дайшлі да цэнтра Алепа.

Аб гэтым паведамляюць Reuters.

Паўстанцы ў сераду, 27 лістапада, пачалі наступленне ў кірунку Алепа. Да канца дня ў пятніцу іх сілы ўвайшлі ў розныя раёны горада.

Паводле звестак Reuters, войскі Сірыі загадалі ажыццявіць «бяспечны адвод» з асноўных раёнаў Алепа, куды ўвайшлі паўстанцы «Хаят Тахрыр аш-Шам». Сірыйскія ўлады закрылі аэрапорт Алепа і ўсе дарогі, якія вядуць у горад.

Адзначаецца, што паўстанцы захапілі ўжо палову Алепа. Яны ўзялі пад кантроль важныя дзяржаўныя будынкі, штаб-кватэры паліцыі і дзяржбяспекі. У сетцы публікуюць адпаведныя кадры.

Расейскія і сірыйскія самалёты атакавалі Алепа ў ноч на 30 лістапада. Выданне AFP адзначае, што гэта ўпершыню з 2016 года расейская авіяцыя нанесла ўдары па Алепа. Таксама пад бамбёжку патрапілі гарады і вёскі, якія захапілі паўстанцы напярэдадні.

Паведамляецца, што ў выніку бамбаванняў і наземных атак загінулі 20 членаў звязанай з Аль-Каідай сірыйскай групоўкі «Хаят Тахрыр аш-Шам».

Як паведамілі Reuters вайсковыя крыніцы, Расея паабяцала Сірыі дадатковую вайсковую дапамогу, зброя пачне паступаць цягам 72 гадзін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com