Чарга з легкавушак на мяжы з Польшчай б'е рэкорды

З пачатку года гэта - новы максімум.

Рэкордная чарга з легкавушак назапасілася на беларуска-польскай мяжы. Паводле звестак маніторынгу Дзяржпамежкамітэта, уначы 6 лістапада выезду з Беларусі чакалі больш за 1500 аўтамабіляў. З пачатку года гэта - новы максімум, піша «Зеркала».

Да раніцы колькасць легкавушак у чарзе стала павольна скарачацца. На 12.00 6 лістапада на выезд з Беларусі чакаюць 1310 аўтамабіляў. Побач з імі прастойваюць амаль 20 аўтобусаў.

"Сумежны бок (Польшча – Заўв. рэд.) працягвае прымаць на сваю тэрыторыю не больш за 40% аўто ад нормы", – пракаментавалі прычыну чаргі ў прэс-службе Дзяржаўнага памежнага камітэта.

У адным з чатаў па перасячэнні мяжы кіроўца расказаў, што праезд у Польшчу ў яго заняў два дні. 4 лістапада амаль 8.50 ён зарэгістраваўся ў зоне чакання перад пунктам пропуску. Бот разлічыў выклік на мяжу праз 1 дзень 18 гадзін 54 хвіліны. У пункт пропуску на беларускім баку кіроўца праехаў 6 лістапада а 3.35. Да таго часу аўтамабіль знаходзіўся ў чарзе 1 д. 18 г. 43 хв. 6 лістапада ў 8.35 мужчына праехаў у Польшчу.

У астатніх пунктах пропуску на мяжы Беларусі з краінамі ЕЗ чэргаў з легкавушак ці аўтобусаў не назіраецца. Што да фур, то іх на знешнім контуры сабралася 1180. З іх 600 прастойваюць у «Казловічах» (Польшча), 300 — у «Грыгораўшчыне» (Латвія), 160 — у «Беняконях» (Літва) і 120 — у «Каменным лозе» (Літва).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com