Расейскі мільярдэр Дзерыпаска: Нафта ўпадзе да $50 за барэль

Ужо да траўня.

Расейскі мільярдэр Алег Дзерыпаска пракаментаваў у сваім канале перамогу Дональда Трампа на выбарах прэзідэнта ЗША: «Добрай раніцы, новы свет. Нафта да 50 даляраў да траўня, мір, відавочна, будзе ўсюды», - напісаў бізнэсовец, заўважыў сайт The Moscow Times.

У сваёй першай прамове пасля перамогі на выбарах Трамп абяцаў пачаць масавую распрацоўку нафтавых свідравін. «У нас больш чорнага золата, чым у кожнай іншай краіны ў свеце! Больш, чым у Савудаўскай Арабіі, больш, чым у Расеі», - сказаў Трамп. Пасля гэтай заявы нафта маркі Brent патаннела на 2%.

Раней Трамп заяўляў, што за 24 гадзіны ўрэгулюе ўкраінскі крызіс. На ягоную думку, пры кошце нафты на ўзроўні $40 за барэль Расея не магла б весці баявыя дзеянні, а нафта па $100 за барэль дазволіла Маскве мець вялікі вайсковы бюджэт.

Нафтавыя кампаніі ЗША лабіявалі прыход Трампа і спансавалі яго прэзідэнцкую кампанію. Ён можа даць дадатковыя экалагічныя і падатковыя паслабленні нафтавай прамысловасці, што павялічыць здабычу і надасць імпульс росту капіталізацыі сыравінных кампаній. Трамп заяўляў, што заробіць багацце на продажы энэргарэсурсаў у Еўропу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com