The Telegraph: ЗША могуць размясціць ядзерную зброю ў Брытаніі

Ужо ў найбліжэйшыя некалькі гадоў.

У ЗША абмяркоўваюць магчымасць размясціць тактычную ядзерную зброю на ваеннай базе Лейкенхіт у графстве Сафолк на ўсходзе Англіі. Разглядаецца, што гэта адбудзецца ўжо ў найбліжэйшыя некалькі гадоў, паведамляе The Telegraph.

Адзначаецца, што на вайсковай базе ўжо будуецца спецыяльнае месца, пра якое мала што вядома. У выданні мяркуюць, што там могуць размясціць сховішчы тактычнай ядзернай зброі коштам некалькі мільёнаў даляраў.

«Глабальная ўлада мяняецца, і надыходзіць трэцяе ядзернае стагоддзе. Далягляды бяспекі больш спрэчныя, больш двухсэнсоўныя і больш небяспечныя, чым мы ведалі за ўсю сваю кар'еру. Нідзе гэта не праяўляецца так відавочна, як у ядзернай сферы», - працытавала выданне начальніка штаба абароны Вялікабрытаніі адмірала Энтані Радакіна.

Журналісты дадалі, што ўжо зараз у Еўропе размешчаны блізу 100 амерыканскіх ядзерных бомбаў B61. Яны захоўваюцца на базах у Бэльгіі, Італіі, Нідэрландах, Турцыі і Нямеччыне.

Акрамя таго, яшчэ блізу 150 ядзерных бомбаў B61 амерыканцы могуць скінуць з знішчальнікаў F-35. Але ўсе яны знаходзяцца ў ЗША, падкрэслілі ў выданні.

Супольную распрацоўку тактычнай ядзернай зброі абмяркоўваюць Вялікабрытанія і Францыя, падзяліліся ў выданні. Журналісты адзначылі, што так еўрапейскія краіны хочуць зменшыць сваю вайсковую залежнасць ад ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com