«Украіна прынізіла Пуціна ў яго на парозе»
6- 19.12.2024, 9:13
- 13,444
Ліквідацыя генерала Кірылава адбылася ў няпросты для Масквы час.
Забойства расейскага генерал-лейтэнанта Ігара Кірылава было накіраванае на тое, каб пасеяць страх і нянавісць, піша карэспандэнт The Telegraph Джэймс Кільнер у артыкуле пад загалоўкам “Украіна прынізіла Пуціна ў яго на парозе ў няпросты час”.
Выданне звяртае ўвагу на публікацыю Telegram-канала Baza, звязанага з расейскімі спецслужбамі, які прызнаў, што атака "пад носам у Крамля" стала ганьбай.
Прапагандысцкі канал Рыбар з 1,3 млн падпісчыкаў напісаў, што забойства негатыўна адбілася на "маральным духу", у тым ліку расейскіх акупантаў, і паскардзіўся, што "расслабляцца нельга наогул". Іншыя так званыя ваенкары пачалі ставіць пад пытанне кампетэнтнасць расейскіх спецслужбаў.
Як сказана ў матэрыяле, на Захадзе Кірылава ненавідзелі за распаўсюджванне крамлёўскай хлусні аб тым, што ЗША кіруюць заводамі ў "вытворчасці хімічнай зброі" ва Украіне і Грузіі. The Telegraph адзначае, што за апошнія пару месяцаў у Расеі былі ліквідаваныя высокапастаўленыя камандзіры ВПС, ВМФ і наземных войскаў.
“Шмат у чым забойства Кірылава выглядае як кульмінацыйны момант яскравай украінскай праграмы забойстваў — адладжанага працэсу, падчас якога былі забітыя высокапастаўленыя прапагандысты, якія супрацоўнічалі з расейскімі чыноўніамі, журналісты, навукоўцы і вайскоўцы ў Расеі і на акупаваных тэрыторыях Украіны. Упадабанымі інструментамі кілераў сталі бомбы, схаваныя пад аўтамабілямі, у скутэрах і пыхлівых бюстах, а некаторыя цэлі былі застрэленыя”, - піша выданне.
Намеснік кіраўніка Савета бяспекі Расеі Дзмітрый Мядзведзеў пасля ліквідацыі Кірылава запатрабаваў неадкладнай помсты. Са слоў аналітыкаў, забойствы нервуюць Крэмль, і “вядомы сваёй паранояй” Пуцін і ягоныя паплечнікі будуць аглядацца, сказана ў артыкуле.
The Telegraph таксама падае словы старэйшага навуковага супрацоўніка Міжнароднага інстытута стратэгічных даследаванняў Найджэла Гулда Дэвіса, які заявіў, што здольнасць Украіны атакаваць дзейнага генерала ў Маскве глыбока збянтэжыць расейскія эліты. Ён таксама сказаў, што гэта самае значнае забойства такога кшталту на сённяшні дзень.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
