УСУ рыхтуюцца зладзіць расейскім МіГам «Пекла»

Украіна мае дальнабойныя ракеты-дроны, здольныя ўдарыць на 700 кіламетраў.

Расейскія знішчальнікі МіГ-31К, якія пагражаюць Украіне ўдарамі аэрабалістычных ракетаў «Кінжал», садзяцца на аэрадром «Прыволжскі» на захад ад Астрахані (больш за 800 км ад ЛБЗ), тым самым трапляючы ў зону дасяжнасці ўкраінскіх дальнабойных дронаў і ракетаў. Аднак для ўдару адплаты Украіне трэба правесці шэраг мерапрыемстваў.

Пра гэта Telegraf UA расказаў генерал-лейтэнант у адстаўцы, намеснік кіраўніка Генштаба УСУ (2006–2010) Ігар Раманенка. Ён патлумачыў, што менавіта трэба Украіне для такога ўдару.

– З украінскага боку патрэбны час на давыведку, удакладненне сітуацыі і падрыхтоўку адпаведных сілаў. Таму ўсё не так хутка можа адбывацца, – кажа ваенны эксперт.

Ён нагадаў, што Сілы абароны Украіны амаль штодзённа ўжываюць па ворагу свае беспілотныя сродкі. І ў апошні час можна бачыць не толькі ўдары беспілотных дронаў і ракетных комплексаў, але і некалькіх тыпаў ракет-дронаў, якія занялі прамежкавую пазіцыю паміж імі. Гэта «Рута» і «Пекла».

Пасля распрацоўкі і выпуску эксперыментальнай партыі ракетадронаў адбываецца маштабаванне іх вытворчасці.

– Таго ж «Пекла» за сотню выраблена і іх выкарыстання, я думаю, дачакаемся. Працэс гэты ідзе, хацелася б хутчэй, хацелася б больш. Але маем тое, што маем у цяперашні час, – падсумаваў Ігар Раманенка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com