Якое надвор'е чакае беларусаў у выходныя

Прагноз на 21–23 снежня.

21 снежня надвор'е ў Беларусі будзе вызначаць у асноўным вобласць павышанага атмасфернага ціску, толькі ноччу на крайнія ўсходнія раёны паўплывае адыходны франтальны падзел, поўнач краіны будзе ва ўмовах няўстойлівай паветранай масы.

Чакаецца воблачна з праясненнямі. Уначы месцамі пройдуць невялікія ападкі (дождж, мокры снег), днём будзе пераважна без ападкаў. Па паўночным усходзе краіны на асобных адрэзках дарог галалёдзіца. Вецер заходні, паўднёва-заходні сярэдні. Мінімальная тэмпература паветра ноччу складзе -3…+2°С, максімальная днём 0…+4°С.

22 снежня надвор'е ў асноўным прадоўжыць вызначаць вобласць павышанага атмасфернага ціску, толькі ноччу па паўночным захадзе, а днём па заходняй палове краіны адаб'ецца ўплыў атмасферных франтоў, якія перамяшчаюцца з поўдня Польшчы.

Будзе воблачна, ноччу з праясненнямі. Уначы месцамі па паўночным захадзе, раніцай і днём пераважна па заходняй палове краіны пройдуць кароткачасовыя ападкі (мокры снег, днём з дажджом). У асобных раёнах слабы туман і галалёд, на дарогах галалёдзіца. Вецер паўднёвай чвэрці сярэдні, днём месцамі парывісты. Мінімальная тэмпература паветра ноччу ў межах -6…+1°С, максімальная днём будзе вагацца ад -3°С да +3°С.

23 снежня ў заходніх і цэнтральных раёнах Беларусі захаваецца ўплыў маларухомага франтальнага падзелу, па ўсходзе краіны надвор'е пачне вызначаць вобласць павышанага атмасфернага ціску. Будзе воблачна. У заходніх і цэнтральных раёнах пройдуць кароткачасовыя ападкі (мокры снег, дождж).

У асобных раёнах слабы туман і галалёд, на дарогах галалёдзіца. Вецер паўднёвай чвэрці сярэдні, месцамі парывісты. Мінімальная тэмпература паветра ноччу складзе -6…+1°С, максімальная днём -3…+3°С.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com