У ЗША выяўленая «іншапланетная расліна», якая не адносіцца ні да аднаго вядомага віду
4- 21.12.2024, 15:32
- 12,392
Яна не адносіцца ні да аднаго вядомага віду.
Навукоўцы выявілі ў штаце Юта закамянеласць «іншапланетнай расліны», якая не належыць ні да аднаго з вядомых сямействаў раслінаў, ні да тых, хто расце цяпер, ні да вымерлых.
Як піша LiveScience, палеантолагі ўпершыню знайшлі скамянелыя ўзоры лісця ў шахцёрскім горадзе-здані Рэйнбаў у штаце Юта ў 1969 годзе і назвалі яго Othniophyton elongatum, што перакладаецца як «іншапланетная расліна».
У той час яны меркавалі, што выкапнёвае лісце ўзростам 47 мільёнаў гадоў належыць да сямейства жэньшэневых.
Аднак новы аналіз, апублікаваны ў часопісе Annals of Botany, паказвае, што лісце, плады і кветкі, прымацаваныя да сцябліны выкапняў, зусім не падобныя на лісце, плады і кветкі іншых раслінаў сямейства жэньшэневых.
«Гэтая закамянеласць рэдкая тым, што мае галінку з прымацаванымі пладамі і лісцем. Звычайна іх знаходзяць асобна», – сказаў суаўтар даследавання Стывен Манчэстэр з Флорыдскага музея натуральнай гісторыі.
Фактычна даследнікі не змаглі супаставіць закамянеласць ні з адным з больш як 400 сямействаў кветкавых раслінаў, якія існуюць сёння, і вымерлых сямействаў.
Сучасныя тэхналогіі мікраскапіі дазволілі яшчэ больш падрабязна разгледзець закамянеласці раслінаў. У плодзе закамянеласці былі відаць мікраадбіткі маленькага насення ў развіцці. Даследчая група таксама змагла ўбачыць тычынкі, якія ў большасці відаў раслінаў адлучаюцца пасля апладнення.
«Звычайна тычынкі адпадаюць з развіццём плода. І гэтая штука здаецца незвычайнай, паколькі яна захоўвае тычынкі ў той час, калі ў яе ёсць спеыя плады з насеннем, гатовым да распаўсюджвання. Мы не бачылі гэтага ні ў чаго сучаснага», – гаворыцца ў заяве Манчэстэра.
Гэта не адзіны знойдзены від у гэтым рэгіёне, які паставіў навукоўцаў у тупік. Раней тут былі выяўленыя іншыя выкапні расліны, такія як плады Bonanzacarpum і лісце Palibinia, якія здзівілі навукоўцаў і ў канчатковым выніку прывялі да адкрыцця вымерлых групаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
