Швэйцарыя ўвяла санкцыі супраць рэжыму Лукашэнкі

У чорным спісе і юрыдычныя, і фізічныя асобы.

Швэйцарыя далучылася да ўведзеных 16 снежня санкцый Еўразвязу ў дачыненні да 26 фізічных і дзвюх юрыдычных асоб з Беларусі, паведамляе Дзяржаўны сакратарыят у эканамічных пытаннях гэтай краіны.

Адзначаецца, што зараз санкцыйныя спісы ЕЗ і Швэйцарыі ў дачыненні да беларускіх асоб з'яўляюцца ідэнтычнымі.

Юрыдычнымі асобамі з'яўляюцца ТАА "Влатэ Лагістык" і ТАА "Рузэкспедыцыя".

16 фізічных асоб са спісу з'яўляюцца, як адзначалі ў ЕЗ, «рознымі прадстаўнікамі судовай улады, а менавіта суддзямі, якія выносілі палітычна матываваныя прысуды, у тым ліку ў дачыненні да грамадзян, якія выказвалі сваё меркаванне супраць рэжыму Лукашэнкі, супраць сістэмы і жорсткасці беларускіх праваахоўных структур, і, такім чынам, адказныя за рэпрэсіі супраць грамадзянскай супольнасці і дэмакратычнай апазіцыі».

Акрамя іх, як паведамлялася, абмежавальныя захады ўжытыя да «начальнікаў і намеснікаў начальнікаў розных папраўчых устаноў (турмаў і СІЗА), а таксама да начальніка медсанчасткі адной з гэтых устаноў, дзе шэраг палітвязняў утрымліваецца ў нечалавечых умовах і зазнае здзекі».

Таксама пад санкцыі ЕЗ (а зараз і Швэйцарыі) трапілі старшыня Беларускай рэспубліканскай калегіі адвакатаў Аляксей Швакаў і дзевяць бізнэсоўцаў, пяцёра з іх маюць дачыненне да згаданых юрыдычных асоб.

Пасля пастановы Рады ЕЗ ад 16 снежня пад еўрапейскімі санкцыямі знаходзяцца 287 фізічных і 40 юрыдычных беларускіх асоб.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com