Зяленскі на Раство: Украінцы хочуць жыць мірна, але камусьці «нудна і не стае руху»

Прэзідэнт Украіны запісаў каляднае віншаванне.

Галоўнае жаданне ўкраінцаў на Раство – мірнае жыццё на сваёй тэрыторыі. Але расейскі дыктатар Уладзімір Пуцін хоча прадаўжаць вайну.

Пра гэта паведамляе Charter97.org са спасылкай на віншаванне прэзідэнта Украіны Уладзіміра Зяленскага з Калядамі.

Кіраўнік дзяржавы нагадаў, што гэта ўжо трэцяе Нараджэнне Хрыстова для Украіны ў часы поўнамаштабнай вайны з Расеяй. І ўкраінцы не могуць адсвяткаваць яго напоўніцу.

«Не ўсе з нас дома, на жаль. Не ва ўсіх, на жаль, ёсць дом. І не ўсе, на жаль, з намі. Аднак, нягледзячы на ўсе беды, якія прынёс вораг, ён не здолеў захапіць або знішчыць галоўнае – нашы сэрцы, святло ўнутры нас, веру ў дабро і міласэрнасць, чалавека ўнутры кожнага з нас», – адзначыў Зяленскі.

Ён падкрэсліў, што ўкраінцы цяпер хочуць толькі мірнага жыцця на сваёй зямлі, бачыць сонца, сваё неба і ў ім – калядную зорку, а не «Шахеды» і ракеты расейцаў.

«Але некаторым “нудна і не стае руху”. Гэтыя словы – доказ, наколькі яны далёкія ад Бога, ад хрысціянства, ад рэальнай веры. І гэта доказ, чаму іх няволя і цемра церпяць паразу. Мы ведаем. Свет ведае. І гэта ведае Бог. А зло адступіць. Украінцы вераць у гэта і моляцца пра гэта», – дадаў кіраўнік дзяржавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com