Пасля катастрофы самалёта ў Казахстане ёсць тыя, хто выжыў

Іх можа быць да 25 чалавек.

Самалёт авіякампаніі Azerbaijan Airlines упаў каля Актау, адміністрацыйнага цэнтра Мангістаўскай вобласці Казахстана. На ягоным борце былі дзясяткі чалавек, ёсць загінулыя і выжылыя, паведамляе казахстанская служба «Радыё Свабода».

Самалёт Embraer накіроўваўся з Баку ў расейскі Грозны. Як паведамляюць інфармацыйныя агенцтвы, лайнер падаў сігнал надзвычайнай сітуацыі, калі знаходзіўся над Каспійскім морам.

На кадрах, якія апублікавалі відавочцы з месца падзей, відаць, як самалёт зніжаецца над аэрапортам Актау. Потым ён пад кутом уразаецца ў зямлю. На відэа відаць выбух і слуп дыму.

Міністэрства надзвычайных сітуацыяў Казахстана паведаміла, што выратавальныя брыгады працуюць на месцы.

Інфармацыя пра колькасць пасажыраў і тых, хто выжыў у авіякатастрофе, на борце адрозніваецца. СМІ са спасылкай на казахстанскія ўстановы пішуць, што ў самалёце знаходзіліся 67 чалавек, у тым ліку пяць чальцоў экіпажу.

Спачатку паведамлялася пра 12 дастаўленых у лякарню пасля крушэння самалёта; пазней паступіла інфармацыя, што выжылых 25.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com