Стала вядомая прычына смерці мужчыны на коўзанцы ў Менску

Здарэнне адбылося 21 снежня.

У Менску 21 снежня на адкрытай коўзанцы на Нямізе памёр мужчына. Пасля ўскрыцця стала вядомая дакладная прычына смерці – гэта ішэмічная хвароба сэрца. Кіраўніцтва кампаніі «Супрым Ф1», да якой адносіцца коўзанка, падзялілася інфармацыяй пра гэта са СМІ.

– Мужчына 1986 года нараджэння раней стаяў на ўліку ў наркалагічным дыспансеры. З 2 снежня ён лекаваўся ад атручэння алкаголем. За пяць дзён да здарэння ён выйшаў са шпіталя. Ускрыццё паказала ішэмічную хваробу сэрца, ніякіх траўмаў выяўлена не было. Ішэмія ў яго пачалася за 5 гадзінаў да здарэння. Падчас выхаду на лёд мужчына быў цвярозы, – расказаў дырэктар кампаніі.

У кіраўніцтве рэкамендавалі людзям, асабліва ў перыяд навагодніх святаў, звяртаць увагу на свой стан і ні ў якім разе не ўжываць алкагольныя напоі перад выхадам на лёд.

Нагадаем, трагічны выпадак адбыўся ўвечары 21 снежня на адкрытай коўзанцы на Нямізе («F-1 Каток»). Падчас масавых катанняў аднаму з наведвальнікаў стала блага. На месца выклікалі брыгаду хуткай дапамогі. Больш за 50 хвілінаў лекары праводзілі рэанімацыйныя дзеянні, але мужчыну выратаваць не ўдалося.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com