У Бабруйску таксіст адмовіўся везці кампанію з пяці чалавек

Гэта каштавала выпадковаму мінаку - удару нажом.

У Бабруйску таксіст адмовіўся везці ў салоне адразу пяць чалавек, і адзін з пасажыраў, якога не ўзялі, учыніў пагром, у якім дасталася нават выпадковаму мінаку. Агрэсіўнага мужчыну прысудзілі да трох гадоў калоніі, піша «Люстэрка» са спасылкай на прэс-службу суда.

Інцыдэнт здарыўся яшчэ ў ліпені. Да кіроўцы таксі папрасіліся адразу пяць чалавек, але ён адмовіў ім у паездцы. Адзін з мужчын быў п'яны, ён "з хуліганскіх памкненняў" разбіў лабавое шкло таксі і праткнуў нажом тры колы - з улікам кошту матэрыялаў і рамонтных работ страты пацягнулі на 718 рублёў. Але гэтага пасажыру, падалося мала.

"Пасля гэтага абвінавачаны схапіў рукой за плячо выпадковага мінака і з сілай пацягнуў яго, а пасля развярнуў тварам да сябе і нанёс удар нажом у вобласць жывата, прычыніўшы тым самым лёгкія цялесныя пашкоджанні здароўя", - распавялі ў судзе.

Напрыканцы бабруйчанін разбіў лабавое шкло яшчэ аднаго аўто - рамонт абышоўся ў 270 рублёў.

Суд прызнаў мужчыну вінаватым у некалькіх эпізодах хуліганства, уключаючы пашкоджанне чужой маёмасці, ужыванне гвалту і выкарыстанне нажа як зброі. Яму прызначылі пакаранне ў выглядзе 3 год калоніі ўзмоцненага рэжыму. Абвінавачаны прызнаў віну і пакрыў шкоду, а прысуд паспрабаваў абскардзіць, але яго пакінулі без зменаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com