Легендарнага шахматыста, якога падолеў беларус, выключылі з чэмпіянату свету

У дадатак Магнус Карлсэн атрымаў штраф.

Нарвежскага шахматыста Магнуса Карлсена дыскваліфікавалі на чэмпіянаце свету па рапіду ў Нью-Ёрку за парушэнне дрэс-кода. Пра гэта паведамляе "Люстэрка" са спасылкай на Міжнародную шахматную федэрацыю (FIDE).

"Правілы ФІДЭ для чэмпіянатаў свету па рапіду і бліц, уключаючы дрэс-код, закліканы забяспечыць прафесіяналізм і справядлівасць для ўсіх удзельнікаў", — сказана ў прэс-рэлізе.

Магнус Карлсэн атрымаў штраф сумаю 200 даляраў (681 рубель) за з'яўленне на турніры ў джынсах. Такі стыль адзення забаронены правіламі спаборніцтваў. Пасля штрафу галоўны арбітр запатрабаваў ад Магнуса пераапрануцца, але той адмовіўся. У выніку гросмайстар быў адхілены ад удзелу ў дзявятым туры чэмпіянаце свету па рапіду і выключаны з турніру.

Пасля дыскваліфікацыі шматгадовы лідар рэйтынгу і адзін з найлепшых шахматыстаў усіх часоў Карлсэн заявіў, што не будзе ўдзельнічаць і ў маючым адбыцца ЧС па бліц, які пачнецца ў Нью-Ёрку 30 снежня.

"Няхай настойваюць на сваіх правілах. Мяне гэта задавальняе. Я адказваю: добра, я сыходжу. Ідзіце н***й", - сказаў спартовец.

Нагадаем, у пятым туры знакамітага нарвежца абыграў беларус Дзяніс Лазавік. Перад заключным днём спаборніцтваў Лазавік ішоў на 12-м месцы сярод 180 удзельнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com